1. Mose 7:1 - O Debleskro Lab 2024 (Sinte-Manouche)

¹ Oun o baro Devel penas ap o Noah: “Dja an ko panyeskro kheer: tou oun tiri tseli familya. I tsele menshendar ap i phoub hal tou kokres lačo oun čačo glan mande.

O Debleskro Drom 2021 (Sinte)

¹ Un o baro Dewel penas ap o Noah: “Dja an ko panjeskro kheer: tu un tiri tseli familja. I tsele menshendar ap i phub hal tu kokres latcho un tchatcho glan mande.

1. Mose 7:1 Iomraidhean Croise

1. Mose 6:18

Tout dau miro lab, kay ačeh djido. Koy dau miro vast pre. Oun tou djas tire čaventsa oun tiri romyah oun tire čavengre romyentsa an o panyeskro kheer dren.

1. Mose 6:9

Kova hi ko liil, kay činlo hi pral o Noah peskre čaventsa. O Noah his i morsh, kay lačo oun čačo his. I tsele menshendar an ko tsiro kras yob kokres kek čilačepen. O Noah djivas o Debleha.

1. Mose 7:13

Ap ko dives djas o Noah peskri romyah oun peskre čaventsa, o Sem, o Ham oun o Yafet, oun kolengre romya an o panyeskro kheer.

1. Mose 7:7

Oun o Noah djas an o panyeskro kheer. Khetne leha djan leskre čave, leskri romni oun leskre čavengre romya, te tassenn le gar.

2. Samuel 22:24

Yaake te hatsell lo či ap mande, kay nay čingrell lo mantsa, oun dau yak, te vell kek doosh ap mande.

Gosewe laba 10:9

Kova, kay an o čačepen djivell, hounte darell gar. Kova, kay ap bange dromma djal, vell tapedo.

Gosewe laba 14:26

Kova, kay djivell o baro Debleha, koles hi zoor an o dji. Ninna pral leskre čavende rikrell o baro Devel peskre vasta.

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Ezekiel 14:14

Ninna te vans kal triin morsha an ko them, o Noah, o Daniel oun o Hiob, palle lans yon kokres pengro djipen dran o merepen vin, kek vavar lentsa. Yon djivan an o čačepen. Doleske loms len kokres dran o merepen vin. Kava penau me o baro Devel, t'maro ray.

Zefanja 2:3

T'mer vavar, kay kran t'men gar bares oun rikrenn o Debleskro čačepen, t'menge penau: Rodenn o baro Debles! Krenn, hoy glan leste čačo hi! Rikrenn t'men gar baro! Nay vell, te rikrell lo peskro vast pral t'mende, ap ko dives, kay leskri rholi pral i menshende vell.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Louka 17:26

Ap ko tsiro, kay o Mensheskro Čavo pale vella, djivenn i menshe yaake har an ko tsiro, kay o Noah djivas.

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

1. Petro 3:20

Yob djas pash kol moulende, kay djivan an ko tsiro, kay o Noah djivas. Har o Noah ko panyeskro kheer kras, das o Devel i menshen i rah tsiro, te venn le pash leste. Oun yon van gar. His gar boudeder har orhta menshe, kay djan an o panyeskro kheer. Oun kolla tassan gar an o pani.