1. Mose 6:8 - O Debleskro Lab 2024 (Sinte-Manouche)

⁸ O Noah kokres his lačo glan o baro Debleskre yaka.

O Debleskro Drom 2021 (Sinte)

⁸ O Noah kokres his latcho glan o baro Debleskre jaka.

1. Mose 6:8 Iomraidhean Croise

1. Mose 19:19

“Tou sikral, kay hal mange lačo. Oun tiro kamlepen hi bares mange, te moukeh man te djivell. Kol berge hi dour. Me nashte nashau gar kote. Koy bibarht nay lell man palla, te merap me.

Debleskri gili 145:20

Kolla, kay les o djiyestar kamenna, pral kolende rikrell lo peskre vasta. Kolla, kay čilačo koova krenna, moukell lo te merell.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Gosewe laba 12:2

Ap i lačo mensheste dikell o baro Devel lačes. Pral koleste, koles o čilačepen glan hi, rakrell lo i phagi vin.

Gosewe laba 3:4

Palle hal lačo oun gosevo glan i yaka o Deblestar oun i menshendar.

Gosewe laba 8:35

Ko mensho, kay man hatsas, kova hatsas o djipen, oun o baro Devel dikell lačes ap leste.

Jeremia 31:2

O baro Devel penell: Kol menshe, kay van gar maredo o rhareha, lenge sikrau lačepen an o moulo tato them; o Israel hi ap o drom khere.

Ezekiel 14:14

Ninna te vans kal triin morsha an ko them, o Noah, o Daniel oun o Hiob, palle lans yon kokres pengro djipen dran o merepen vin, kek vavar lentsa. Yon djivan an o čačepen. Doleske loms len kokres dran o merepen vin. Kava penau me o baro Devel, t'maro ray.

Mateo 24:37

Yaake har i menshe djivan an ko tsiro, kay o Noah djivas, yaake djivenn le an ko tsiro, kay o Mensheskro Čavo pale vella.

Louka 1:30

Oun o bolepaskro penas ap late: “Ma traash, Maria! O Devel hi touke lačo.

Louka 17:26

Ap ko tsiro, kay o Mensheskro Čavo pale vella, djivenn i menshe yaake har an ko tsiro, kay o Noah djivas.

Bičepangre 7:46

Ap koleste dikas o Devel lačes. Oun o David mangas lestar, te nay krell lo leske i kheer dran barra, kay i tsele Israelitarya nay mangenn les an.

Remarja 11:6

Kran yon lačo koova? Oun doleske rodas lo len vin? Na-a! Te krals lo kova, vals peskro kamlepen gar o čačo kamlepen.

Remarja 4:4

I mensho, kay marell pes tele, te vell lo čačo, hi har i boudepaskro, kay hounte boudrella, te vell lo playsedo. Leskre love lell lo gar čičeske.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

2. Timoteo 1:18

Me mangau o Debles, te vell lo leske lačes ap ko dives, kay yob glan leste tardo hi. Tou djineh ninna, har boud yob i patslenge an o foro Efesus boudras.

Tito 2:11

Yaake sikras o Devel, har baro peskro lačepen i tsele menshenge hi. Yob kras i drom, te lell lo len dran o čilačepen oun o merepen vin.

Tito 3:7

Yaake čivas men o Yezous Kristo an o čačepen dran lauter lačepen, te dell lo men ko djipen, hoy gar pre-herella. Oun mer djinah, kay lah ko djipen an ko tsiro, hoy vella.

Hebrearja 4:16

Dran kova vas mer glan maro lačo Debleste. Koles hi i baro dji menge, te dell lo men peskri zoor ap ko tsiro, kay hounte las mer leskri zoor.

1. Petro 3:20

Yob djas pash kol moulende, kay djivan an ko tsiro, kay o Noah djivas. Har o Noah ko panyeskro kheer kras, das o Devel i menshen i rah tsiro, te venn le pash leste. Oun yon van gar. His gar boudeder har orhta menshe, kay djan an o panyeskro kheer. Oun kolla tassan gar an o pani.

2. Petro 2:5

Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.