1. Mose 6:2 - O Debleskro Lab 2024 (Sinte-Manouche)

² Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

O Debleskro Drom 2021 (Sinte)

² Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len.

1. Mose 6:2 Iomraidhean Croise

1. Mose 12:11

Yob his bouder gar dour o themestar Egiptia. Koy penas yob ap peskri romyate: “Saray, me djinau, kay hal i shoukar djouvel.

1. Mose 24:3

oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

1. Mose 26:35

Kalla douy romya kran o djipen pharo o Isaakeske oun i Rebekkake.

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

1. Mose 3:6

Oun koy romni dikas ap ko rouk oun penas ap peste: “Mishto vals, te rhaus ko roukestar. Shoukar hi lo! Oun mishto vals, te vaus gosevo.” Oun yoy las o roukestar, rhas oun das ninna peskro romeste, kay pash late his. Oun yob rhas ninna.

1. Mose 4:26

Oun o Set las ninna i čavo. Koles das yob ko lab Enosh. An ko tsiro mangan i menshe o ersto kopo o baro Debles an.

1. Mose 6:1

I menshe van boud oun boudeder ap i phoub. Oun ča van boldo lendar.

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

2. Samuel 11:2

His yek dives, har i rati vas, stas o David dran peskro čiben pre, oun djas pral ap peskro kheer. Koy dikas yob pral tele, oun dikas i djouvyat, kay thovell pes. Oun koy djouvel his shoukar.

Esra 9:12

Doleske ma denn t'mare čen lengre čavenge! Oun lengre čen ma lenn len t'mare čavenge! Ma avenn lengre mala! Oun denn yak, te venn le gar bravelo, an kek tsiro. Palle nay venn t'mer zoreles an o them, oun nay rhan ko lačepen, hoy an ko them koy hi. Kova nay denn palle t'mare čaven, te djivenn le an hako tsiro an ko them.

Hiob 1:6

Oun vas i dives, kote van i tsele bolepangre pash o baro Debleste khetne, oun čivan pen tardo glan leste. Ninna o beng his mashkral lende.

Hiob 31:1

Me djom i sovel mire yakentsa dren, te dikap gar loubekanes i terni čake palla.

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Maleachi 2:11

I menshe dran Youda phagan pengri sovel, hoy dan le pengro Debleste. Oun an o them Israel oun an o foro Yerusalem djal djoungelo koova, hoy i menshen pale-čiddo krell. I morsha an Youda romedineran djouvyen, kay vavar deblen an-mangenna. Oun yaake kran le o kheer pale-čiddo, kay o baro Devel djivell, oun hoy lo kamell.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

1. Korintarja 7:39

I romni hi ap peskro romeste pandlo yaake rah har yob djivella. Te merell o rom, hi li bouder gar pandlo ap leste. Oun yoy nay romedinerell, kones yoy kamella. Ap yek koova hounte rikrell li pes: Yoy hounte lell peske i patslo romes.

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

5. Mose 14:1

T'mer han i čave t'maro baro Deblestar. An ko tsiro, kay rovenn i mouleske, ma činenn t'maro mass leske! Oun ma činenn i balla pral t'mare yaka!

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

1. Johanni 2:16

Pash i menshende ap kay phoub djal lauter pal yek koova: rhapen oun pipen, romedinepen oun khelepen, bravlepen oun sharepen. Kova lauter vell gar o Deblestar, maro dadestar. Kova lauter hi phoubyakro koova.