1. Mose 6:11 - O Debleskro Lab 2024 (Sinte-Manouche)

^11-12 Oun i phoub his bouder gar lačo glan o Debleskre yaka. I menshe kran, kay his i phoub pherdo čilačepen oun midjak koova. Har o Devel ap i phoub dikas, dikas lo, te djan i tsele menshe ap i čilačo drom.

O Debleskro Drom 2021 (Sinte)

^11-12 Un i phub his buder gar latcho glan o Debleskre jaka. I menshe kran, kai his i phub pherdo tchilatchepen un midjak koowa. Har o Dewel ap i phub dikas, dikas lo, te djan i tsele menshe ap i tchilatcho drom.

1. Mose 6:11 Iomraidhean Croise

1. Mose 10:9

Oun yob his i baro yegari glan o baro Debleste. Doleske vell penlo: Kova hi i baro yegari glan o baro Debleste har o Nimrod.

1. Mose 13:13

Kol menshe an Sodom his čilačo oun djivan an baro čilačepen glan o baro Debleste.

1. Mose 6:10

Les his triin čave: o Sem, o Ham oun o Yafet.

1. Mose 7:1

Oun o baro Devel penas ap o Noah: “Dja an ko panyeskro kheer: tou oun tiri tseli familya. I tsele menshendar ap i phoub hal tou kokres lačo oun čačo glan mande.

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Debleskri gili 11:5

Yob rodell an i djia i lačendar oun i čilačendar. Koon o čilačepen kamell, ap koleste hi lo peskro tselo djiyeha rhoyedo.

Debleskri gili 140:11

Mouk yagakre barra ap lende te perell! Vitse len an i yag! Mouk len te perell an o telstunepen, yaake te nay stenn le bouder gar pre!

Debleskri gili 55:9

Sik nashoms, te khatrap man glan o baro oun zorelo dourho, hoy pral i phoub phourdell, oun glan o baro brishin.

2. Mose 32:7

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.

Jesaja 60:18

I kourepaskri gole vell gar bouder shounlo an tiro them. Paash-dine forya oun kourepen dell gar bouder koy. Na-a, mank tire massourya krell kek touke čilačepen, oun tou shareh man koleske.

Jeremia 6:7

Yaake har dran i brounna o pani vella, yaake vell dran o foro o čilačepen. I gole kolendar, kay venn zoryah tele rikedo oun doukedo, shounau. Menshe lenn glan mande dava oun venn maredo.

Ezekiel 28:16

Har tiro parepah bravelo val, rikral vavaren zoryah tele. Oun yaake lal doosh ap toute. Koy krom me tout pale-čiddo, oun tradom tout tele miri bergatar. Tou bolepaskro, kay yak dal, tout tradom vin dran koy platsa, kay i kouč barra hi, hoy dikenn vin har yag.

Ezekiel 8:17

Oun yob penas ap mande: Tou mensho, dikal tou kava? Hi i menshenge dran o kheer Youda gar doha, te krenn le ko tselo djoungelo koova kate? O tselo them kran le pherdo čilačepen. Hounte rhoyrenn le man pale te pale? Dik, har rikrenn le penge zenele patria glan pengre naka!

Habakuk 1:2

Baro Devel, har rah hounte dap gole, oun tou kameh man gar te shounell? Har rah hounte dap gole glan toute: “Dik, havo čilačepen hi kate!” Oun tou kameh menge gar ap i rig te vell?

Habakuk 2:17

Tou dal i rouka ap i berga Libanon tele. Tou maral i firhen, kay kote djivan. Lengri daar vell kanna tiri daar. Tou maral boud menshen, kral lengro them oun lengre forya paash, oun djal zoryah ap halauterende, kay kote djivenn. Ko čilačepen, hoy kral, vell kanna pale ap tiro shero.

Habakuk 2:8

Tou čoral i menshen an boud themma vin. Tou maral boud lendar, kral lengro them oun lengre forya paash, oun djal zoryah ap halauterende, kay kote djivenn. Doleske čorenn tout kanna kolla vin, kay djido ačan.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Remarja 2:13

Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”

Čačepangre 2:19

Pal leskro merepen peran le pale o čačo dromestar tele, oun kran les gomme djoungleder har pengre phoure kova kran, oun nashan vavar deblenge palla, oun vitsran pen glan lende tele, oun mangan len an. Oun moukan pen kekestar ko čilačo dromestar tele te anell. Pal pengre shere djan le pengro drom.