1. Mose 5:24 - O Debleskro Lab 2024 (Sinte-Manouche)

²⁴ Oun o Henok djivas o Debleha. Palle his yob bouder gar koy. O Devel las les krik.

O Debleskro Drom 2021 (Sinte)

²⁴ Un o Henoch djiwas o Debleha. Palle his job buder gar koi. O Dewel las les krik.

1. Mose 5:24 Iomraidhean Croise

1. Mose 24:40

Koy penas o Abraham ap mande: O baro Devel, kay djau ap leskro drom, bičrell peskro bolepaskres glan toute oun dell barht ap tiro drom, te less miro čaveske i romyat mire menshendar oun dran miro dadeskro kheer.

1. Mose 37:30

Oun yob vas pale pash peskre phralende oun penas: “Ko čavo hi bouder gar koy. Hoy krap me kanna?”

1. Mose 42:36

Oun lengro dad, o Yakob, penas ap lende: “T'mer čoran mire čaven mandar: O Yosef hi bouder gar koy. Oun o Simeon hi bouder gar koy. Oun o Benyamines kamenn t'mer ninna mandar te lell. Kova lauter vell ap mande!”

1. Mose 5:22

Koy pal, har o Matusalem boldo vas, djivas o Henok 300 (triin-sheel) bersha o Debleha. Oun lestar van boud čave oun ča bolde.

1. Mose 5:23

Leskro tselo djipen his 365 (triin-sheel-te-shob-deesh-te-panč) bersha.

1. Mose 5:25

Har o Matusalem 187 (sheel-te-orhta-deesh-te-efta) bersha phouro his, vas lestar o Lamek boldo.

1. Mose 6:9

Kova hi ko liil, kay činlo hi pral o Noah peskre čaventsa. O Noah his i morsh, kay lačo oun čačo his. I tsele menshendar an ko tsiro kras yob kokres kek čilačepen. O Noah djivas o Debleha.

2. Rajengro liil 2:1

O dives vas, kay kamas o baro Devel o Eliyas an i zorelo phourdepen an o bolepen te lell. O Eliya oun o Elisa djan dran Gilgal krik.

2. Rajengro liil 2:10

O Eliya penas: “Tou mangal pharo koova. Te dikeh tou, har me krik lino vau, leh tou kova. Te dikeh man gar, leh tou kova gar.”

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

2. Rajengro liil 2:12

O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

Debleskri gili 49:15

Har bakre djan le an o moulengro them. Lengro bakrengro, kay anell len ap o drom, hi o merepen. Sik vell ko dives, kay venn o Debleskre menshe i raya pral kolende, kolengro mass tele merell an i phoub, kay hounte ačenn le pash i moulende.

Debleskri gili 73:24

Tou aneh man ap ko drom, hoy tout mange hi. Oun pal miro djipen ap kay phoub leh tou man pash toute an tiro raylepen.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Mateo 2:18

Bari gole oun boud ropen shounan le an o gab Rama. I Rachel rovella pral peskre čavende, oun kamell kekestar lače laba te shounell. Lakre čave hi bouder gar koy.

Louka 23:43

Oun o Yezous penas ap leste: “Čačepah, me penau touke: Kava dives hal tou mantsa an o Debleskri shoukar baar.”

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

Judas 1:14

Glan i rah tsiro penas pral lende o Henok, kova his o eftato dad pal o Adam: Dikenn, o Devel, maro ray, vell dran o bolepen. Oun boud zerya bolepangre hi pash leste.