1. Mose 49:8 - O Debleskro Lab 2024 (Sinte-Manouche)

⁸ Tou, o Youda hal kova, kones leskre phrala sharenna. Tiro vast hi zoreles ap o shero kolendar, kay kamenn touke čilačepen. Glan toute vitsrenn pen tele tire phrala.

O Debleskro Drom 2021 (Sinte)

⁸ Tu, o Juda hal kowa, kones leskre phrala sharenna. Tiro wast hi soreles ap o shero kolendar, kai kamenn tuke tchilatchepen. Glan tute witsrenn pen tele tire phrala.

1. Mose 49:8 Iomraidhean Croise

1. Mose 27:29

Menshe dran vavar themma hounte boudrenn touke oun vitsrenn pen tele glan toute. Vess ray pral tire phralende. Oun tiri dakre čave hounte vitsrenn pen tele glan toute. Kolla kay penenna, te vell tout bibarht, ap kolende vell bibarht. Oun kolla, kay penenna, te vell tout barht, ap kolende vell barht.

1. Mose 29:35

Oun yoy vas pale an vavar koova oun anas i čaves ap i phoub oun penas: “Kanna sharau o baro Debles.” Doleske das yoy les ko lab Youda. Pal kova anas yoy i tsiro bouder kek čaven ap i phoub.

1. Mose 42:6

Oun o Yosef his o ray pral o them Egiptia oun bikras djob ap kol menshende an ko them. Har leskre phrala van, vitsran pen le tele glan leste o mouyeha ap i phoub.

1. Mose 46:12

O Youda oun leskre čave: o Er, o Onan, o Shela, o Perez oun o Zera. O Er oun o Onan meran an o them Kanaan. O Perez his o dad douy čavendar: o Hesron oun o Hamoul.

2. Samuel 22:41

Tou kral, te hounte nashan le mandar. Yaake nay marom kolen, kay mange čilačepen kaman.

2. Samuel 24:9

Oun o Yoab penas o baro rayeske, har boud morsha koy his. Oun an Israel his 800.000 (orhta-sheel-zerya) morsha, kay hidjran i rharo oun an Youda 500.000 (panč-sheel-zerya) morsha.

2. Samuel 5:3

Har kol tsele phoureder dran Israel pash o baro rayeste an o foro Hebron his, kras kote o baro ray David lentsa vin, te vell lo lengro baro ray. Oun yon dan ap o baro Debleste gole, te shounell yob kova. Oun yon čoran djet pral o Davideskro shero, te vell yob baro ray pral o Israel.

1. Familjakro liil 28:4

Kanna hi yaake, te rodas man o baro Devel vin dran miro dadeskro tselo kheer. Yob, o Israeleskro Devel kamas, te vap me o ray pral Israel hako tsireske. Yob rodas o Youda vin, te vell lo o pralstouno pral peskre phralende. Oun dran o kheer Youda rodas lo miro dadeskro kheer vin. Oun miro dadeskre čavendar hom me, ap koleste yob lačes dikas, te krell lo man ray pral o tselo Israel.

1. Familjakro liil 5:2

O zorleder mank peskre phrala his o Youda. Doleske vas yek dran o kheer Youda o baro ray pral Israel, ninna te his o Yosefes o čačepen, hoy i phoureder čaveske hi.

2. Familjakro liil 14:8

Oun o Zera, ko Koushari, vas peskre lourdentsa te kourell lo pes lentsa. Les his 1.000 (yek-sero) kope 1.000 lourde, oun 300 (triin-sheel) kourepangre vourdya. Oun yob vas yaake dour har o foro Maresha čiddo hi.

2. Familjakro liil 15:9

Oun yob moukas i tsele menshen khetne te vell dran o them Youda oun Benyamin oun halauter dran i khera Efrayim, Manasse oun Simeon, kay pash lende djivan. [His yaake, kay boud menshe dran Israel pash leste an o them Youda van, har dikan le, te his o baro Devel, kay leskro Devel hi, ap leskri rig.]

2. Familjakro liil 17:2

Yob čivas lourden an i tsele zorele forya an o them Youda, oun čivas pralstoune morshen dren an o them Youda, ninna an o them Efrayim, an kol forya, kay leskro dad, o Asa, dren las.

2. Familjakro liil 30:11

Gar boud morsha his dran i khera Asser oun Manasse oun Zabulon, kay shounan ap lende, oun kran pen gar bares, oun van an o foro Yerusalem.

Debleskri gili 76:1

I gili o rayeske pral i gipangre, te givell pash o bashepen ap i doryengre bashepangre. O Asaf kras kay gili.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Ezekiel 21:29

Doleske penell o baro Devel, maro ray: T'mari doosh vas diklo. T'mare čilače dromma van pre-čakedo. An halauter, hoy krenna, vell t'maro čilačepen diklo. T'mer kran, te vell t'mari doosh gar bistedo. Doleske venn tapedo i zorelo vasteha.

4. Mose 10:14

Kol menshe dran o kheer Youda his i glanstoune, kay djan vin. Lengro pralstouno his o Nashon, koleskro dad o Amminadab hi. Lentsa djan kol menshe dran o kheer Issakar oun dran o kheer Zabulon. I pralstouno pral o kheer Issakar his o Netanel. Leskro dad hi o Souar. Oun o pralstouno pral o kheer Zabulon his o Eliab. Leskro dad hi o Helon.

4. Mose 26:20

Pal lende vas o Shela, o Perez, oun o Zera. Kolendar van i Shelanarya, i Perezarya oun i Zerarya. Kol čave foun o Perez his o Hesron oun o Hamoul. Kolendar venna kol Hesronarya oun kol Hamoularya.

4. Mose 26:22

Kalla halauter van o Youdaestar. Oun khetne his le 76.500 (efta-deesh-te-shob-zerya-panč-sheel) morsha.

5. Mose 33:7

Pral o kheer Youda penas lo: Baro Devel, shoun, hoy o Youda toutar mangella! An les pale pash peskre phralende! Kre leskre vasta zoreles! Ab ap leskri rig, te kourell lo pes kolentsa, kay čingrenn leha!

Josua 10:24

Oun har le kol rayen pash o Yosua anan, moukas yob i tsele Israeleskre morshen khetne gole te dell, oun penas ap i pralstunende pral i lourdende: “Avenn kate oun čivenn t'mare pire ap lengre meen!” Oun yon van oun kran kova.

Josua 15:20

Oun kalla hi i forya an o them, hoy o baro Devel i menshende dran o kheer Youda das, te djivenn le kote pengre familyentsa.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 5:5

Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”