1. Mose 49:26 - O Debleskro Lab 2024 (Sinte-Manouche)

²⁶ Dik i berge, hoy djan pral bis an o bolepen oun ačenna hako tsiro! Tiro bravlepen vell bareder har kolla. Ava, bareder har ko lačo koova ap i berge, hoy ačenna hako tsiro. Kova lauter lell o Yosef, kay hi o vi-rodedo mank leskre phralende.

O Debleskro Drom 2021 (Sinte)

²⁶ Dik i berge, hoi djan pral bis an o bolepen un atchenna hako tsiro! Tiro brawlepen well bareder har kolla. Awa, bareder har ko latcho koowa ap i berge, hoi atchenna hako tsiro. Kowa lauter lell o Josef, kai hi o wi-rodedo mank leskre phralende.

1. Mose 49:26 Iomraidhean Croise

1. Mose 37:28

Har i parepangre dran o them Midian pashel van, tserdan les o Yosefeskre phrala dran i grouba vin, oun bikran les ap i Ismaelarya, oun lan lendar biish roupene kotya. Oun yon anan o Yosefes an o them Egiptia.

1. Mose 37:8

Koy penan leskre phrala ap leste: “Kameh te vess ray pral mende? Kameh čačepah te vess o pralstouno mendar?” Oun yon his leske boudeder čilačo pral leskri souni oun leskro rakepen.

1. Mose 49:27

O Benyamin hi har i divyo djouklo, kay marella. Taysarlakro rhal lo kova, hoy dandras yob an kotya. Oun rati dell yob i vavaren kolestar, hoy pral ačas.

Debleskri gili 132:18

Leskro raylepen vell baro oun bareder. Oun ap kolende, kay leske čilačepen kamenn, čivau bari ladj.

Debleskri gili 89:36

Yek kopo dom me man sovel, oun rhorhau o Davides gar: Yaake har čačo hi, kay hom o Devel, yaake hi čačo,

Jesaja 54:10

I berge nay djan ap i rig, oun i tikne berge nay perenn khetne, miro lačepen, kova djal gar toutar, oun kova, hoy vin kram, te ham mer mala, ačell tardo. Kova penau me, o baro Devel, kay peskro dji touke pre kras.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jona 2:6

O pani djas mange bis ap i meen. O telstunepen his troul mande, oun o panyeskro khass pandas pes troul miro shero.

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.

4. Mose 6:2

Pen ap i Israelitarya: Te dell yek pes sovel, – nay vell i morsh, ninna i djouvel, – oun penell o baro Debleske, te vell lo leske i tsireske koy,

Bičepangre 7:9

Mare phoure dada zilveran ap o Yosefeste, oun bikran les an o them Egiptia. Oun o Devel his pash leste,

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.