1. Mose 49:22 - O Debleskro Lab 2024 (Sinte-Manouche)

²² O Yosef hi har i terno rouk pash o pani, hoy hidjrell boud roukengre. Leskre kashta venn baro oun djan pral i pre-čidde barra, kay lo tardo hi.

O Debleskro Drom 2021 (Sinte)

²² O Josef hi har i terno ruk pash o pani, hoi hidjrell bud rukengre. Leskre kashta wenn baro un djan pral i pre-tchidde barra, kai lo tardo hi.

1. Mose 49:22 Iomraidhean Croise

1. Mose 41:52

Oun o douyto čaves das yob ko lab Efrayim oun penas: O Devel das man čaven an o them, kay djas mange gar mishto.

1. Mose 46:27

O Yosefes his douy čave, kay an o them Egiptia bolde van. Khetne lentsa his yon efta-desha menshe an o Yakobeskri familya, kay djan an o them Egiptia.

1. Mose 48:1

Pal i tsiro vas o Yosefeske penlo: “Tiro dad hi nasselo.” Koy las o Yosef peskre douy čaven, o Efrayim oun o Manasse, oun yon djan pash leste.

1. Mose 48:15

Oun yob rakras o Debleskri barht vin pral o Yosefeste oun penas: Ko Devel, kay djas miro papo Abraham oun miro dad Isaak ap leskro drom, ko Devel, kay das garda ap mande bis kava dives, har dell garda i bakrengro ap peskre bakre,

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

1. Mose 48:5

Oun o Yakob penas doureder ap o Yosefeste: “Kanna shoun, tire douy čave, kay bolde van glan ko tsiro, kay vom pash toute an o them Egiptia, – o Efrayim oun o Manasse – kamau te venn yon mire, yaake har o Ruben oun o Simeon.

1. Mose 49:23

I kourepangre his rhoyedo ap leste. Ninna te dan le ap leste karye oun lan les palla,

Debleskri gili 128:1

I gili te givell ap o drom an Yerusalem. Barhtelo hi hakeno, kay djivell o baro Debleha, oun djal ap leskro drom.

Debleskri gili 128:3

Khere hi tiri romni. Oun yoy hi har i drakengro rouk, hoy boud drake hidjrella. Oun tire čave hi beshdo troul tiri rhapaskri har terne djeteskre rouka.

Debleskri gili 80:10

Tou kral leske boud platsa, leskre draba nay djan dour an i phoub, oun yob vas bourhlo an o tselo them.

Ezekiel 19:11

Oun kolla van yaake zorelo, te nay krans le rayengre kashta dran lende. Ko bour vas baro, bareder har kol vavar rouka troul leste. Hakeno nay dikas, har zorelo yob his, oun har boud zenele kashta les his.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.