1. Mose 49:1 - O Debleskro Lab 2024 (Sinte-Manouche)

¹ Oun o Yakob das peskre čaven gole oun penas: Avenn khetne! Me penau t'menge, hoy t'menge djala an ko tsiro, kay vella.

O Debleskro Drom 2021 (Sinte)

¹ Un o Jakob das peskre tchawen gole un penas: Awenn khetne! Me penau tumenge, hoi tumenge djala an ko tsiro, kai wella.

1. Mose 49:1 Iomraidhean Croise

Debleskri gili 105:15

“Lenn i vasta krik mire menshenge, kolen mange vin rodom! Ma krenn čilačepen kolenge, kay mire rakepangre hi!”

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jesaja 22:14

Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

Jesaja 39:6

Ko tsiro vella, kay halauter an o them Babilonia anlo vella, hoy an tiro kheer hi, oun hoy tire phoure khetne čivan bis ap kava dives. Oun či ačell kate. Kova penell o baro Devel.

Jesaja 48:14

Avenn t'mer lauter khetne, oun shounenn! Kek t'mare rhorhene deblendar penas kova glan-vi: Me, o baro Devel, rodom o Cyrus vin, te krell lo o themeha Babilonia, hoy kamau, oun te sikrell lo miri zoor ap kolende an o them Kaldea.

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Daniel 10:1

An ko tsiro, har o Cyrus an o triinto bersh o baro ray his pral o them Persia, las ko Daniel, kay ninna Beltsazar kharella, i lab o Deblestar. Oun kova, hoy leste siklo vas, vell čačepah oun rakrell i pharo tsirestar. Oun yob rodas te hayvell lo les, oun dikas an i dikepen, hoy kova kamell te penell. [Yob ginell dren:]

Daniel 10:14

Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.

Micha 4:1

O tsiro vella, kay hi koy berga zoreles tardo, kay o baro Debleskro kheer tardo hi. Kay berga hi bareder har i tsele vavar berge. Oun pash late venn i menshe dran i tsele themma.

4. Mose 24:14

Oun kanna djau pash mire menshende. Glan kova kamau touke te penell, hoy kal menshe tire menshenge krenna an o tsiro, hoy vella!”

Louka 2:26

Oun o Debleskro Dourho penas leske, te merell yob gar, bis te dikas lo ko baro rayes, kolestar o Devel penas, te vell yob.

Bičepangre 2:17

Ko tsiro vella, penell o Devel, kay me čivau miro Debleskro Dourho ap i tsele menshende. Oun t'mare čave oun ča dikenn nay glan-vi, hoy vella. Oun i terne morsha dikenn kova, hoy o Devel len sikrell, oun i phoure morsha denn souni.

5. Mose 31:12

Kote an i tsele menshen khetne, i morshen, i djouvyen oun i čaven, ninna kol vi-themaryen, kay an t'mare forya djivenn. Yon lauter hounte shounenn kal laba, yaake te djinenn le, har te djivenn le o baro Debleha, kay t'maro Devel hi, oun rikrenn pen mishto ap kal tsele čačepaskre laba.

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

2. Timoteo 3:1

Kova hounte djiness tou: Glan ko tsiro, kay i phoub tele djala, vell i pharo tsiro ap i menshende.

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”