1. Mose 48:19 - O Debleskro Lab 2024 (Sinte-Manouche)

¹⁹ Leskro dad kamas gar oun penas: “Me djinau, čava, me djinau. Ninna kolestar venna yaake boud menshe, te vell lendar yek natsyona. Leskro terneder phraal vell bareder har yob. Lestar venna yaake boud menshe, te venn lendar boud natsyone.”

O Debleskro Drom 2021 (Sinte)

¹⁹ Leskro dad kamas gar un penas: “Me djinau, tchawa, me djinau. Ninna kolestar wenna jaake bud menshe, te well lendar jek natsjona. Leskro terneder phraal well bareder har job. Lestar wenna jaake bud menshe, te wenn lendar bud natsjone.”

1. Mose 48:19 Iomraidhean Croise

1. Mose 17:4

“Shoun, kova hi, hoy me touke krau: Tou veh o dad boud menshendar. Yon venn yaake boud, kay lendar boud natsyone venna.

1. Mose 25:23

O baro Devel penas ap late: “Tou veh i day douy čavendar. Kol douyendar venna boud menshe, yaake boud, kay hakenestar yek natsyona vella. Ko terneder vell zorleder har ko phoureder oun vell o ray pral leste.”

1. Mose 25:28

O Isaak kamas te rhal i firhendar, kay o Esau tapras. Oun yob kamas o Esaes boudeder har o Yakobes. I Rebekka kamas o Yakobes boudeder har o Esaes.

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

1. Mose 48:14

Oun o Israel čivas peskri yek moussi pral o vavar oun čivas peskro čačo vast ap o Efrayimeskro shero. Kova his ko terneder. Oun peskro servo vast čivas lo ap o Manasseskro shero. Kova his o phoureder.

1. Mose 48:18

Oun o Yosef penas ap peskro dadeste: “Kre gar yaake, tata! Kava hi o phoureder. Čip tiro čačo vast ap leskro shero!”

Jesaja 7:17

Oun pral toute oun tire menshende oun i menshende an tiro them anell o baro Devel save divessa, har yon gar van, yaake rah har dran o them Israel douy themma van: o Israel oun o Youda. Kol divessa venna o baro rayeha pral o them Assour.”

Ezekiel 27:10

Lourde dran i themma Persia oun Loud oun Pout van, kolla, kay touke an o kourepen djan. Lengre sasterne stadja oun lengre shilte pandan le ap tire rigya. Kolla kran tout yaake shoukar!

5. Mose 1:10

T'maro baro Devel kras t'men yaake boud. T'mer han kava dives yaake boud har kol momlia an o bolepen hi.

5. Mose 33:17

Leskri zoor hi yaake baro har i gouroumeskri zoor. Kolla, kay lestar venna hi har shinga i divye gourmendar. Kolentsa tradenn le i menshen dran vavar themma bis an i doureder themma ap i phoub. Kova krenn i menshe, kay venna o Yosefeskre douy čavendar: kol 10.000 (deesh-zerya) dran o kheer Efrayim, oun kol zerya dran o kheer Manasse.