1. Mose 48:14 - O Debleskro Lab 2024 (Sinte-Manouche)

¹⁴ Oun o Israel čivas peskri yek moussi pral o vavar oun čivas peskro čačo vast ap o Efrayimeskro shero. Kova his ko terneder. Oun peskro servo vast čivas lo ap o Manasseskro shero. Kova his o phoureder.

O Debleskro Drom 2021 (Sinte)

¹⁴ Un o Israel tchiwas peskri jek mussi pral o wawar un tchiwas peskro tchatcho wast ap o Efrajimeskro shero. Kowa his ko terneder. Un peskro serwo wast tchiwas lo ap o Manasseskro shero. Kowa his o phureder.

1. Mose 48:14 Iomraidhean Croise

1. Mose 41:51

Oun o Yosef das o phoureder čaves ko lab Manasse oun penas: O Devel kras te bistrap miri tseli bibarht oun mire tsele menshen.

1. Mose 41:52

Oun o douyto čaves das yob ko lab Efrayim oun penas: O Devel das man čaven an o them, kay djas mange gar mishto.

1. Mose 46:20

O Yosefeske van douy čave boldo an o them Egiptia: o Manasse oun o Efrayim. Lengri day his i Asnat. Kolakro dad his o rashay Potifera dran o foro On.

1. Mose 48:13

Oun o Yosef las kol douyen: Peskro čaves Efrayim las yob ap peskro čačo vast oun anas les glan o Israeleskro servo vast. Oun peskro čaves Manasse las yob ap peskro servo vast oun anas les glan o Israeleskro čačo vast.

1. Mose 48:17

Har o Yosef dikas, kay leskro dad čivas peskro čačo vast ap o Efrayimeskro shero, his leske kova gar mishto. Oun yob tapras peskro dadeskro vast, te čivell lo les ap o Manasseskro shero.

1. Mose 48:18

Oun o Yosef penas ap peskro dadeste: “Kre gar yaake, tata! Kava hi o phoureder. Čip tiro čačo vast ap leskro shero!”

Debleskri gili 110:1

I gili o Davidestar. O baro Devel penas ap miro baro rayeste: “Besh tout ap miri čači rig! Kamau te čivap kolen tel tire herya, kay touke čilačepen kamenn.”

Debleskri gili 118:16

Leskro čačo vast hi hadedo: Yob hi o zorleder an o kourepen.”

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

4. Mose 2:18

Ap koy rig, kay o kham tele djala, hounte čivenn kolla pengre plarhtene khera pre pash pengri pre-čiddi plarhta, kay venna dran o kheer Efrayim. Pash lende hi ninna lengre lourde 40.500 (star-deesh-zerya-panč-sheel) morsha. Lengro pralstouno hi o Elishama, leskro dad hi o Ammihoud.

4. Mose 8:10

Oun tou aness kol Levitaryen glan o baro Debleste. Oun kol Israelitarya hounte čivenn pengre vasta ap lende, te sikrenn le, yon hi kolla, kolen i Israelitarya o baro Debleste denna, te krenn yon i boudi an leskro kheer. Oun o Aron anell i Levitaryen glan o baro Debleste.

4. Mose 8:18

Oun kanna lom i Levitaryen oun gar kol vavar morshen, kay hi i phoureder čave pengre dayendar an Israel.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Mateo 19:13

Koy anan le čaven pash o Yezouseste, te čivell lo peskre vasta ap lende, te mangell lo o Debles, te dikell yob lačes ap lende. Har peskre mala kova dikan, čingran le ap kol menshende.

Mateo 19:15

Oun yob čivas peskre vasta ap lende, oun djas peske.

Mateo 6:5

Tou te rakreh o Debleha, palle ma kre kova har kolla, kay hi len douy djia. Yon kamenn, te dikenn len i menshe, har yon an i biboldengre kangria oun ap o drom tardo hi, oun o Debleha rakrenna. Čačepah, me penau t'menge: Kolla lenna či o Deblestar. Yon anan pengro lačepen kokres dren.

Louka 13:13

Oun yob čivas peskre vasta ap late. Koy hadas pes li pre, oun sharas o Debles.

Louka 4:40

Oun o kham djas tele. Oun boud menshe anan i nasselen pash leste. Kolen his boud nasslepen. Oun o Yezous čivas peskre vasta ap hakeneste lendar, oun kras len sasto.

Bičepangre 13:3

Oun yon rhan gomme i tikno tsiro či oun mangan o Debles an. Palle, čivan le i vasta ap lende oun penan: “Ačenn mo Debleha!” oun moukan len te djal.

Bičepangre 6:6

Kol morshen anan le pash o Yezouseskre bičepangre. Kolla čivan i vasta ap lende, oun mangan o Debles, te dell lo len zoor oun gosvepen an lengri boudi.

5. Mose 34:9

Oun o Yosua, koleskro dad o Noun his, vas pherdo gosvepen. Kova vas, har čivas o Mose peskre vasta ap leste. Oun i Israelitarya shounan ap leste oun kran yaake har o baro Devel o Moseske penas, te hounte krenn le.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!