1. Mose 47:7 - O Debleskro Lab 2024 (Sinte-Manouche)

⁷ O Yosef anas peskro dades, o Yakobes, glan o baro rayeste. Oun o Yakob penas ap leste: “Lačo dives! Mou dell tout o Devel peskri zoor oun barht!”

O Debleskro Drom 2021 (Sinte)

⁷ O Josef anas peskro dades, o Jakobes, glan o baro rajeste. Un o Jakob penas ap leste: “Latcho diwes! Mu dell tut o Dewel peskri soor un bacht!”

1. Mose 47:7 Iomraidhean Croise

1. Mose 14:19

Oun yob sharas o Abrames oun penas: “Tou, Abram, ap toute hi čiddo i zoor oun i barht ko Deblestar, kay hi o Devel pral halauter oun kras o bolepen oun i phoub.

1. Mose 35:27

Oun o Yakob vas pash peskro dadeste Isaak an Mamre pash o foro Kiryat-Arba. Kova hi kanna Hebron, kay ninna o Abraham oun o Isaak djivan.

1. Mose 47:10

Oun o Yakob penas ap o baro rayeste: “Ač mo Debleha!” oun djas lestar.

1. Mose 47:8

Oun o baro ray poučas lestar: “Har phouro hal tou?”

2. Samuel 14:22

Koy moukas pes o Yoab glan leste ap i phoub te perell, ap peskro mouy, parkras pes pash o baro rayeste, oun penas: “Miro baro ray, kay dives djinau me, kay dikeh lačes ap mande, har kral, hoy me, tiro boudepaskro, toutar mangom.”

2. Samuel 19:39

“Mishto!” penas o baro ray. “Mou djal o Kimham mantsa! Oun me kamau leha te krell, hoy tou kameh. Ninna lauter, hoy tou mandar mangeh, krau me touke.”

1. Rajengro liil 1:47

Oun dik, kol pralstoune an o kheer maro baro rayestar David van pash leste, oun rakran lače laba pral leste vin oun penan: Tiro Devel, mou krell lo tiro čaves Salomo gomme bareder har tout! Mou vell o them tel leste gomme zorleder har tel toute. Oun o baro ray David penas peskro shereha ava ap peskro čiben.

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

2. Rajengro liil 4:29

O Elisa penas ap o Gehasi: “Čip tiro pereskri dori troul toute, oun le miro lengsto kasht an tiro vast, oun dja an Shounem! Te tapreh yekes ap o drom, ač gar tardo, te rakress leha! Oun te kamell yek touha te rakrell, le touke kek tsiro leske! Oun čip miro lengsto kasht ap ko čaveskro mouy!”

2. Mose 12:32

Lenn t'mare bakre oun bouzya oun t'mare groumya, yaake har t'mer kaman! Oun djan oun mangenn t'maro baro Debles, te vell lo mange lačes.”

Mateo 26:26

Har yon rhan, las o Yezous o maro, parkras pes pash o Debleste, phagas ko maro, das les peskre malende, oun penas: “Ake, lenn ko maro oun rhan les! Kava maro hi miro mass.”

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

Josua 14:13

Kote rakras o Yosua o Debleskri barht pral o Kaleb vin, koleskro dad o Yefunne his, oun das les o foro Hebron, te vell lo leskro.

Josua 22:6

Oun o Yosua rakras o Debleskri barht pral lende vin, oun penas: “Ačenn o Debleha.” Oun yon djan khere.

1. Petro 2:17

Avenn lačes ap hako mensheste! Kamenn i patslen o djiyestar! Sharenn o Debles, oun krenn, hoy yob kamella! Shounenn ap o baro rayeste pral o them!

1. Samuel 2:20

Oun o Eli rakras barht pral o Elkana oun leskri romni vin, oun penas: “O baro Devel dell tout vavar čave kay romyatar ko čaveske o Samuel, koles yoy peske o baro Deblestar mangas.” Oun yon djan penge pale khere.