1. Mose 47:6 - O Debleskro Lab 2024 (Sinte-Manouche)

⁶ O them Egiptia hi ninna touke koy. Rode tiro dadeske oun tire phralenge o feteder kotar them vin, te djivenn le kote! Mouk len te djivell an o them Gosen! Oun te dikeh, kay hi morsha mank lende, kay krenn pengri boudi mishto, kre te venn le pralstoune pral mire firhende.”

O Debleskro Drom 2021 (Sinte)

⁶ O them Egiptia hi ninna tuke koi. Rode tiro dadeske un tire phralenge o feteder kotar them win, te djiwenn le kote! Muk len te djiwell an o them Gosen! Un te dikeh, kai hi mursha mank lende, kai krenn pengri budi mishto, kre te wenn le pralstune pral mire viechende.”

1. Mose 47:6 Iomraidhean Croise

1. Mose 13:10

O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

1. Mose 13:9

Rode touke vin, havo them tou kameh. Oun dja touke mandar! Kameh tou serves te djal, djau me čačes. Oun te kameh tou čačes te djal, djau me serves.”

1. Mose 20:15

Oun o Abimelek penas: “Miro tselo them hi glan toute čiddo. Ač kote, kay tou kameh!”

1. Mose 34:10

Oun djivenn pash mende! Kava them hi ninna t'menge. Ačenn kay! Oun djan trouyel parepaske oun krenn t'menge khera!”

1. Mose 45:10

Tou djivess an o them Gosen, hoy hi gar dour mandar: tou oun tire čave oun tire čavengre čave, ninna tire bakre oun bouzya, tire groumya oun halauter, hoy tout hi.

1. Mose 46:34

Penenn ap leste: Miro ray, mer ham bakrengre foun tiknes pre, yaake har mare phoure. Penenn kova, te nay ačenn an o them Gosen.” Hako bakrengro hi i pale-čiddo glan i Egiptarya.

1. Mose 47:11

Oun o Yosef sikras peskro dadeste oun peskre phralende, kay yon djivenn nay. Oun das len o feteder kotar them, hoy an o them Egiptia his, ko them Ramses, yaake har o baro ray penas.

1. Mose 47:16

Koy penas o Yosef ap lende: “Te hi t'men bouder kek love, anenn t'mare firhe! Oun me dau t'men te rhal.”

1. Mose 47:4

Oun yon penan ninna: “I bok hi baro an o them Kanaan. Hi kek zenlepen rhapaske mare bakrenge. Doleske vam mer, te ačas i tsiro kay. Kanna mangah tout, miro ray, mouk men te djivell an o them Gosen.”

1. Mose 47:5

Koy penas o baro ray ap o Yosefeste: “Tiro dad oun tire phrala van pash toute.

1. Rajengro liil 11:28

O Yerobeam his i terno zorelo morsh. Har o Salomo les dikas, kay yob i lačo boudi kras, čivas lo les pral i tsele boudepangre dran o kheer Yosef.

2. Familjakro liil 26:10

Yob kras ninna turme an o moulo tato them oun hadas boud panyenge brounne vin; les his boud firhe an o pralstouno them oun an o telstouno them, ninna djobengre harhe oun molyengre harhe ap i berge oun ap i berga Karmel. Leske his i harhengri boudi ap o dji čiddo.

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 18:25

Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh.

2. Mose 9:10

Oun o Mose oun o Aron lan čik dran o bob oun djan glan o Farao. Oun o Mose vitsras koy čik pre an o bolepen. Koy tapran i menshe oun i firhe i djoungelo nasslepen ap pengro mass.

2. Mose 9:21

Kolla, kay moukan penge kol laba, hoy o baro Devel penas, gar an o dji te djal, kolla moukan pengre boudepangren oun pengre firhen vin.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Jeremia 40:4

Oun kanna dik, me lau i shelle toutar tele, kay tire vasta pandan. Te kameh, oun te hi touke mishto, ab mantsa an o them Babilonia, ab oun me dau garda ap toute. Te kameh gar te djas mantsa an o them Babilonia, palle nay moukeh les. Dik, o tselo them hi glan toute čiddo; kay tou kameh oun kay touke mishto hi, kote nay djah tou touke koy.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

1. Samuel 21:7

Koy das les o rashay kol Debleskre mare. Kek vavar maro his koy. Kol Debleskre mare his o baro Debleste dino, pale krik lino, har vas nevo maro koy čiddo.