1. Mose 47:26 - O Debleskro Lab 2024 (Sinte-Manouche)

²⁶ Yaake rakras o Yosef i lab, hoy hounte rikrenn le: I tsele menshen an o them Egiptia hounte denn o pančto kotar o baro rayeste. O rashayengro them las o baro ray gar. Yaake hi kova gomme kava dives.

O Debleskro Drom 2021 (Sinte)

²⁶ Jaake rakras o Josef i lab, hoi hunte rikrenn le: I tsele menshen an o them Egiptia hunte denn o pantchto kotar o baro rajeste. O rashajengro them las o baro rai gar. Jaake hi kowa gomme kau diwes.

1. Mose 47:26 Iomraidhean Croise

1. Mose 14:20

Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 41:34

Mou čivell yob ninna pralstunen pral o them, te lenn le o pančto kotar ko djobestar an kal efta lače bersha, kay venna.

1. Mose 47:22

O them i rashayendar ginas yob gar. I rashayen his doha love te ginenn le penge rhapen. Yon van playsedo o baro rayestar. Doleske bikran yon pengro them gar.

1. Mose 47:25

Penan yon: “Tou kral, kay meram gar. Ab menge lačo oun le men, te vas mer boudepangre o baro rayeske!”

Esra 7:24

Ninna penau t'menge: Kekeste t'mendar dau me o čačepen, te nay mangell lo themeskre love, foreskre love oun vavar koova kol rashayendar oun kol vavarendar, kay boudrenn an o kheer kava Deblestar, har Levitarya, gipangre, morsha, kay yak denn ap i voudya oun boudepangre.

Ezekiel 7:24

Doleske moukau lourden dran čilače natsyone pral o Israel te vell, te lenn le lengre khera penge dren. Oun kol raya, kay rikran i čorvelen zoryah tele, lenge krau o pre-phourdepen paash. Oun kol platse, kay mangan le pengre deblen an, moukau pale-čiddo te krell.

3. Mose 27:30

O deshto kotar halauterestar, hoy baro vas ap i harhetikri phoub oun ap i rouka, hi o baro Debleske, oun hounte vell leske anlo.

4. Mose 18:21

Kol Levitaryen dau me ko deshto kotar lauterestar, hoy an o them Israel bares vella. Yon boudrenn ap miro kheer. Doleske lenn yon kova.

5. Mose 14:22

Hako bersh čivess tou o baro Debleske ap i rig o deshto kotar halauterestar, hoy ap tiri harhetikri phoub bares vas.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.