1. Mose 47:24 - O Debleskro Lab 2024 (Sinte-Manouche)

²⁴ Oun te hi t'men nevo djob, denn o pančto kotar o baro rayeste! Kol vavar star kotya mou ačenn t'menge, yaake te hi t'men doha, kay nay vitsrenn an i phoub. Ninna hi t'men rhapaske t'menge oun t'mare čavenge, oun kolenge, kay djivenn an t'mare khera.”

O Debleskro Drom 2021 (Sinte)

²⁴ Un te hi tumen newo djob, denn o pantchto kotar o baro rajeste! Kol wawar star kotja mu atchenn tumenge, jaake te hi tumen doha, kai nai witsrenn an i phub. Ninna hi tumen chapaske tumenge un tumare tchawenge, un kolenge, kai djiwenn an tumare khera.”

1. Mose 47:24 Iomraidhean Croise

1. Mose 14:20

Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

1. Mose 14:21

Oun o ray pral Sodom penas ap o Abram: “De man mire menshen pale! Ko vavar, hoy hatsal, rikreh nashte.”

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 41:34

Mou čivell yob ninna pralstunen pral o them, te lenn le o pančto kotar ko djobestar an kal efta lače bersha, kay venna.

1. Mose 47:23

Oun o Yosef penas ap i menshende: “Kava dives ginom t'men oun t'maro them o baro rayeske. Ake, kava djob čivrenn nay an i phoub.

1. Mose 47:25

Penan yon: “Tou kral, kay meram gar. Ab menge lačo oun le men, te vas mer boudepangre o baro rayeske!”

Debleskri gili 112:5

Mishto djal koleske, kay krell peskro dji pre, oun patsell i vavaren vin, oun krell peskro koova yaake har čačo hi.

Debleskri gili 41:1

I gili o rayeske pral i gipangre. O David kras kay gili.

3. Mose 27:30

O deshto kotar halauterestar, hoy baro vas ap i harhetikri phoub oun ap i rouka, hi o baro Debleske, oun hounte vell leske anlo.

3. Mose 27:32

Ninna i groumyendar, i bakrendar oun i bouzyendar hi hako deshto firho o baro Debleske. Kek dikell palla, hi ko firho lačo, hi lo gar lačo. Vitar gar vell i firho vin paredo. Yaake har djan le glan o bakrengro koy, yaake lell lo hako deshto ap i rig. Te parell lo yekes vin, hi kol douy firhe o baro Debleske, oun nay venn gar vin ginlo.

4. Mose 18:21

Kol Levitaryen dau me ko deshto kotar lauterestar, hoy an o them Israel bares vella. Yon boudrenn ap miro kheer. Doleske lenn yon kova.

5. Mose 14:22

Hako bersh čivess tou o baro Debleske ap i rig o deshto kotar halauterestar, hoy ap tiri harhetikri phoub bares vas.

5. Mose 26:12

Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.