1. Mose 47:23 - O Debleskro Lab 2024 (Sinte-Manouche)

²³ Oun o Yosef penas ap i menshende: “Kava dives ginom t'men oun t'maro them o baro rayeske. Ake, kava djob čivrenn nay an i phoub.

O Debleskro Drom 2021 (Sinte)

²³ Un o Josef penas ap i menshende: “Kau diwes ginom tumen un tumaro them o baro rajeske. Ake, kau djob tchiwrenn nai an i phub.

1. Mose 47:23 Iomraidhean Croise

1. Mose 41:27

Oun kol efta sane oun djoungele groumya, kay djan pal lende dran o pani vin, hi efta bersha. Yaake hi ninna kol efta halme, hoy hi sano oun trouk, efta bersha, kay bokenn le.

1. Mose 45:6

Douy bersha bokan le an kava them. Oun panč bersha hi glan lende, kay čivrenn le nay kek djob an i phoub, vitar gar anenn le djob dren.

1. Mose 47:22

O them i rashayendar ginas yob gar. I rashayen his doha love te ginenn le penge rhapen. Yon van playsedo o baro rayestar. Doleske bikran yon pengro them gar.

1. Mose 47:24

Oun te hi t'men nevo djob, denn o pančto kotar o baro rayeste! Kol vavar star kotya mou ačenn t'menge, yaake te hi t'men doha, kay nay vitsrenn an i phoub. Ninna hi t'men rhapaske t'menge oun t'mare čavenge, oun kolenge, kay djivenn an t'mare khera.”

Debleskri gili 112:5

Mishto djal koleske, kay krell peskro dji pre, oun patsell i vavaren vin, oun krell peskro koova yaake har čačo hi.

Debleskri gili 41:1

I gili o rayeske pral i gipangre. O David kras kay gili.

Gosewe laba 11:26

Kova, kay djob pale rikrell, pral koleste rakrenn le bibarht vin. Oun barht rakrenn le vin pral koleste, kay djob bikrell.

Gosewe laba 12:11

Koon ap peskro kotar phoub boudrell, koleske vell boud maro. Koon savo koova pal nashell, hoy či moldo hi, kova hi narvelo.

Gosewe laba 13:23

Boud djob vell bares ap i phoub i čorvelenge. Lengro čačepen lenn le gar, oun boud merenn i bokatar.

Sikepaskro 11:6

Doleske čip o djob taysarla an i phoub, oun mouk gar tele bis an i rati. Tou djineh gar, hoy bares vella, kava te kova, oder hake douy.

Jesaja 55:10

O brishin oun o gib perenn tele dran o bolepen, oun djan gar bouder kote pale. Yon krenn i phoub sapeno, te djal latar zenlepen oun djob vin, yaake te vell i menshen maro te rhal, oun djob, hoy nay vitsrenn le an i phoub o vavar bersh.

Mateo 24:45

I lačo boudepaskro della mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell len hako dives kova, hoy len hounte vell djipaske.

2. Korintarja 9:10

O Devel, kay dell o harhes i djob, ninna o maro rhapaske, kova dell t'men ninna, oun krell boudeder dran kova, hoy t'men hi, yaake te vell boud lačepen dran kova, hoy t'mer krenna.