1. Mose 45:1 - O Debleskro Lab 2024 (Sinte-Manouche)

¹ Koy rikras pes nay o Yosef bouder gar pale glan lauterende, kay troul leste tardo hi. Oun yob bičras i tsele Egiptaryen vin. Oun kek his pashel, har yob penas, kay yob lengro phraal hi.

O Debleskro Drom 2021 (Sinte)

¹ Koi rikras pes nai o Josef buder gar pale glan lauterende, kai trul leste tardo hi. Un job bitchras i tsele Egiptarjen win. Un kek his pashel, har job penas, kai job lengro phraal hi.

1. Mose 45:1 Iomraidhean Croise

1. Mose 42:24

Har o Yosef kanna lengre laba shounas, rissras pes lo lendar krik oun rovas. Koy pal vas yob pale, te rakrell lo lentsa. Oun yob moukas o Simeones te pandell glan lengre yaka.

1. Mose 44:34

Me nay djau gar pash miro dadeste, te hi ko čavo gar pash mande. Me nay dikoms gar koy douk, hoy vell ap miro dadeste, te hi ko čavo gar pashel!”

2. Samuel 1:20

Penenn kova gar an ko foro Gat, oun rakrenn gar koy pral ap i dromma an Ashkelon, te venn gar barhtelo i djouvya an Filistia, te denn le gar gole i barhtyatar, kolla ča kolendar, kay gar činle hi ap pengro mass!

2. Samuel 13:9

Oun yoy las ko pekepaskro čaro, oun čoras len glan leste vin. Yob kamas gar te rhal oun penas: “Hakeno te djal glan mande vin!” Oun hakeno djas glan leste vin.

Jesaja 42:14

Yob penell: I rah tsiro penom či, ačom pokones, oun rikrom man pale. Kanna kamau gole te dell, har i djouvel, kay i ternepen lell, lau pharo dourho oun dau palle bari gole.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Mateo 18:15

Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

Bičepangre 10:41

Yob moukas pes gar i tsele menshendar te dikell. Na-a. Men rodas o Devel vin, te dikas les. Oun har yob i moulendar djido vas, rham oun piyam mer leha. Kova penah i menshenge, oun kova hi čačo.

Bičepangre 7:13

Har yon o douyto kopo an o them Egiptia van, prindjran le o Yosefes. Koy djinas o baro ray pral o them, have menshendar o Yosef his.

1. Korintarja 13:5

Kones hi o Debleskro kamlepen an o dji, kova krell kek vi-ladjedo koova; oun dikell gar ap peste kokres. Yob dikell ninna ap i vavarende, te djal lenge mishto. Kones hi o Debleskro kamlepen an o dji, kova moukell pes gar rhoyedo te krell. Yob bistrell o čilačepen, hoy i vavar leske kran.