1. Mose 44:2 - O Debleskro Lab 2024 (Sinte-Manouche)

² Oun miro roupeno khoro čip khetne lengre loventsa pral an o gono ko terneder morshestar!” Oun ko rom kras, har o Yosef leske penas.

O Debleskro Drom 2021 (Sinte)

² Un miro rupeno khoro tchip khetne lengre lowentsa pral an o gono ko terneder murshestar!” Un ko rom kras, har o Josef leske penas.

1. Mose 44:2 Iomraidhean Croise

1. Mose 42:20

Anenn t'maro terneder phrales pash mande! Koy pre dikau me, kay t'mare laba čačo hi. Oun t'mer merenna gar.” Oun yon penan: “Mishto, kova krah mer.”

1. Mose 42:25

Oun o Yosef penas ap peskre boudepangre, te krenn le lengre gone pherdo djob, oun te denn le len lengre love pale, – hakeneske an leskro gono, oun te denn le len rhapen ap o drom. Kova kran yon.

1. Mose 43:32

Oun yon anan o Yosefeske o rhapen ap i vavar rhapaskri har peskre phralenge. Ninna i Egiptarya, kay leha rhan, rhan ap i vavar rhapaskri. I Egiptarya rhan gar khetne kolentsa, kay kharenn Hebrearya. Kolla hi lenge pale-čiddo.

1. Mose 44:1

Oun yob penas ap koleste, kay ap leskro kheer garda das: “Kre i gone kol morshendar pherdo djob, yaake boud har dren djala. Oun čip hakeneskre love pral an lengre gone!

1. Mose 44:12

Oun yob rodas an o gono hakenestar: pash o phoureder bis pash o terneder. Oun yob hatsas o khoro an o Benyamineskro gono.

1. Mose 44:3

Taysarlakro djan i morsha pengre bourikentsa penge.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

2. Korintarja 8:8

Kova mangau t'men. Me penau gar, te hounte krenn les. Te dikau, havo lačo koova i vavar patsle an o them Macedonia kran, yaake kamau te dikap, te vell t'maro kamlepen dran o dji.

5. Mose 13:3

oun penell ninna: “Mer djas vavar deblen palla, hoy t'mer gar prindjrenn, oun mangas len an”, palle shounenn gar ap saveste, ninna te vell kova čačo, hoy yob penas. T'maro baro Devel kamell te dikell, te kamenn les t'mare tsele djiyentsa oun t'mari tseli zoryah.

5. Mose 8:16

oun das t'men Manna te rhal an o moulo tato them, ko maro, hoy t'mare phoure gar prindjran. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi, te nay krell lo les t'menge pal kova mishto.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?