1. Mose 44:16 - O Debleskro Lab 2024 (Sinte-Manouche)

¹⁶ Penas o Youda ap leste: “Hoy penas mer touke, miro ray? Har nay sikrah, kay hi men kek doosh an kava koova? O Devel dell men i phagi. Miro ray, mer ham kanna tire boudepangre: mer oun kova, kay hatsan o khoro pash leste.”

O Debleskro Drom 2021 (Sinte)

¹⁶ Penas o Juda ap leste: “Hoi penas mer tuke, miro rai? Har nai sikrah, kai hi men kek doosh an kau koowa? O Dewel dell men i phagi. Miro rai, mer ham kanna tire budepangre: mer un kowa, kai hatsan o khoro pash leste.”

1. Mose 44:16 Iomraidhean Croise

1. Mose 37:7

“Mer pandam djob khetne ap i harhetikri phoub. Oun ap yek kopo stas miri djob pre oun ačas tardo. Oun t'mari djob vas oun his troul miri djob tardo oun vitsras pes tele glan miri djob.”

1. Mose 37:9

Oun yob das i vavar souni oun penas kova peskre phralenge: “Shounenn, me dom i vavar souni. Kava kopo vitsras pes o kham oun o čon oun deesh-te-yek bolepangre momlia glan mande tele.”

1. Mose 44:17

Penas o Yosef: “Savo koova krau gar. Ko rom, kay hatsan o khoro pash leste, hounte vell miro boudepaskro. T'mer vavar nay djan an o lačepen khere pash t'maro dadeste.”

1. Mose 44:32

Miro ray, me dom miro vast koy pre, kay anau o čaves pale. Me penom ap miro dadeste: Te anau les touke gar pale, vell i doosh ap mande oun ačell ap mande, yaake rah har djivau!

1. Mose 44:9

Miro ray, tou te hatseh ko khoro pash yekeste mendar, nay deh les moulo! Oun mer vavar vah tire boudepangre.”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

Esra 9:10

Oun kanna, maro Devel, hoy te penas pal kava tselo koova? Mer djivam gar pal tire laba,

Esra 9:15

Baro Devel, tou o Israeleskro Devel, hal an o čačepen tardo oun lal men, kay pral ačam, vin dran o merepen, yaake har kava dives hi. Dik, kate ham glan toute an mari doosh, oun djinah, mer nay ačah gar tardo glan toute!”

Hiob 40:4

Dik, me hom či moldo! Hoy penap me touke? Me čivau miro vast ap miro mouy.

Gosewe laba 17:15

Kova hi douy kope i djoungelo koova glan o baro Debleskre yaka: te rakrell yek koles čačes, kay doosh ap peste las, oun ninna, te čivell yek doosh ap koleste, kay o čačepen kras.

Gosewe laba 28:17

I mensho, kay i vavares moulo das, kova ačell ap o naashepen, yaake rah har djivell lo. Kek te rikrell les pre!

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 5:3

Kanna avenn, t'mer menshe an o foro Yerusalem oun an o them Youda, oun krenn o čačepen vin mashkral mande oun miro drakengro them!

Daniel 9:7

Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Louka 12:2

Vell o dives, kay vell kova diklo, hoy kanna khatedo hi. Vell o dives, kay djinell hakeno kova, hoy kanna kek djinella.

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

5. Mose 25:1

Te vell i čingepen mashkral morsha pre, oun yon glan čačepangre morshende stakrenn, oun o čačepen vell vin kerdo, palle vell pral koleste, kay an o čačepen his, glan halauterende vin rakedo, te hi yob an o čačepen. Oun pral koleste, koles doosh his, vell glan halauterende vin rakedo, te hi les doosh.

Josua 7:1

I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

Josua 7:18

Oun har moukas lo i morshen an koleskro tselo kheer glan te vell, vas o Akan vi-rodedo, – koleskro dad o Karmi hi, koleskro dad o Sabdi hi, oun koleskro dad o Zera hi. Kolengro phouro dad his o Youda.

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.