1. Mose 43:8 - O Debleskro Lab 2024 (Sinte-Manouche)

⁸ Oun o Youda penas ap peskro dadeste Israel: “Biče ko čaves mantsa! Oun mer nay djah kanna, te djivas oun meras gar i bokatar – tou oun mer oun mare čave!

O Debleskro Drom 2021 (Sinte)

⁸ Un o Juda penas ap peskro dadeste Israel: “Bitche ko tchawes mantsa! Un mer nai djah kanna, te djiwas un meras gar i bokatar – tu un mer un mare tchawe!

1. Mose 43:8 Iomraidhean Croise

1. Mose 42:2

Shounom, koy hi djob an o them Egiptia. Djan koy oun ginenn menge djob, te djivas mer oun meras gar!”

1. Mose 42:38

“Na-a”, penas o Yakob. “Miro čavo djal gar t'mentsa! Leskro phraal hi moulo. Oun yob kokres ačas mange leskri datar i Rachel. Me hom i phouro rom. Te taprels les i bibarht ap o drom, meraus i bari doukatar.”

1. Mose 44:20

Oun mer penam ap toute, miro ray: Men hi i phouro dad oun i terno phraal, kay boldo vas, har maro dad phouro his. Leskro phraal hi moulo. Oun yob kokres ačas pral peskri datar. Oun leskro dad kamell les i djiyestar.

1. Mose 44:26

Te vell maro terneder phraal gar mentsa, nay djah gar. Te hi yob gar pash mende, nay vah gar glan ko romeskre yaka.

1. Mose 45:19

Ap toute penau, te dess len vourdya dran o them Egiptia lengre čavenge oun romyenge, te lenn le pengro dades kay!

1. Mose 50:21

Ma darenn! Me dikau ap t'mende oun t'mare čavende.” Yaake rakras yob lače labentsa ap lengre djia.

1. Mose 50:8

Ninna i tsele menshe dran o Yosefeskro kheer oun leskre phrala oun i vavar menshe dran leskro dadeskro kheer djan leha. Kokres lengre čave, lengre bakre oun groumya moukan yon an o them Gosen.

2. Rajengro liil 7:13

Koy penas yek kol pralstunendar: “Le panč kol grayendar, kay ačan pral an kava foro! Biče morshen lentsa vin, te djinas, hoy koy glan djala. Ninna te rikrah len kay, djal lenge yaake har kol tsele vavar graya, kay meran.”

2. Rajengro liil 7:4

Ninna te kamah mer an o foro te djal, hi koy i menshen či rhapaske, oun mer hounte meras koy. Oun te ačah mer kay, merah ninna. Mer djah pash i lourdende dran Syria. Te moukenn yon men djido, djivah mer. Krenn yon men moulo, yaake ham mer moulo.”

Esra 8:21

Oun me moukom kote pash o pani Ahava i tsiro vin te kharell, kay rhas mer či, oun djas ap i čanga glan maro Debleste, te djal lauter mishto ap maro drom, te djah an maro them, oun te venn kek čilače menshe pral mende oun mare čavende oun halauter hoy men hi.

Debleskri gili 118:17

Me merau gar. Na-a, ačau djido, oun penau i menshenge, hoy o baro Devel lauter kras.

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

4. Mose 14:31

T'mare čave, kolendar t'mer penan: Yon perenn an i vasta kolendar, kay kouram men mer, kolen anau an ko them, kay t'mer gar kaman. Ko them vell lengro.

5. Mose 33:6

Palle penas o Mose pral o kheer Ruben: O Ruben te djivell oun merell gar vin, ninna te hi leskre menshe kanna gar boud.