1. Mose 43:34 - O Debleskro Lab 2024 (Sinte-Manouche)

³⁴ O Yosef moukas leskro rhapastar peskre phralenge te anell. Oun ko rhapen, hoy moukas yob o Benyamineske te anell, his panč kope yaake boud, har o rhapen leskre vavar phralenge. Oun yon rhan oun piyan oun van barhtelo leha.

O Debleskro Drom 2021 (Sinte)

³⁴ O Josef mukas leskro chapastar peskre phralenge te anell. Un ko chapen, hoi mukas job o Benjamineske te anell, his pantch kope jaake bud, har o chapen leskre wawar phralenge. Un jon chan un pijan un wan bachtelo leha.

1. Mose 43:34 Iomraidhean Croise

1. Mose 35:24

I čave, kolen i Rachel ap i phoub anas his o Yosef oun o Benyamin.

1. Mose 45:22

Hakenes das yob yek shoukar ripen. O Benyamin las triin-sheel roupene kotya love oun panč shoukar ripya.

2. Samuel 11:8

Oun o David penas ap o Uriya: “Dja tele an tiro kheer, oun thob tire herya!” Oun o baro ray das les čomone peha, hoy leske pal hidjedo vas, har o Uriya dran o baro rayeskro kheer djas.

Gosewe laba 31:6

Denn zorelo pipen kolenge, kay ap o merepen čiddo hi, oun mool kolenge, kay lenge ropaske hi.

Sikepaskro 10:19

Kones rhapen hi, nay sal. Koon mool piyell, nay givell. I loventsa nay vell tout kova halauter.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Habakuk 1:6

Me krau te venn i Babilonarya zoreles, kol čilače oun sik kourepangre. Pral i tseli phoub venn le, de lenn le penge vavar themma dren hoy gar lengro his.

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Johanni 2:10

oun penas ap leste: “Hakeno dell i lači mool glan i vavar mool. Oun te hi le mato, dell lo len koy mool, kay gar yaake lačo hi. Tou rikral koy lači mool pale.”

1. Samuel 1:5

I Hannat das yob douy kotya. Yob kamas lat o djiyestar, ninna te kras o baro Devel lah yaake, te nay las li kek čave.