1. Mose 43:23 - O Debleskro Lab 2024 (Sinte-Manouche)

²³ “Hi mishto”, penas ko rom. “Ma darenn! T'maro Devel, kay ninna t'maro dadeskro Devel hi, čivas kol love an t'mare gone. Me lom t'mare love, hoy dan man.” Oun yob anas o Simeones pash lende.

O Debleskro Drom 2021 (Sinte)

²³ “Hi mishto”, penas ko rom. “Ma darenn! Tumaro Dewel, kai ninna tumaro dadeskro Dewel hi, tchiwas kol lowe an tumare gone. Me lom tumare lowe, hoi dan man.” Un job anas o Simeones pash lende.

1. Mose 43:23 Iomraidhean Croise

1. Mose 42:24

Har o Yosef kanna lengre laba shounas, rissras pes lo lendar krik oun rovas. Koy pal vas yob pale, te rakrell lo lentsa. Oun yob moukas o Simeones te pandell glan lengre yaka.

1. Mose 42:28

Koy penas yob ap peskre phralende: “Mire love hi an miro gono!” Koy lan yon traash. Oun yon dikan pen darenes an oun penan: “Hoske kras o Devel kova mentsa?”

1. Mose 42:36

Oun lengro dad, o Yakob, penas ap lende: “T'mer čoran mire čaven mandar: O Yosef hi bouder gar koy. Oun o Simeon hi bouder gar koy. Oun o Benyamines kamenn t'mer ninna mandar te lell. Kova lauter vell ap mande!”

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 43:22

Vavar love anam ninna mentsa, te ginas djob. Mer djinah gar, koon čivas mare love an mare gone.”

1. Familjakro liil 12:18

Oun o David djas pash lende vin, oun penas ap lende: “Van t'mer an o kamlepen pash mande, te rikrenn pash mande, palle hi miro dji t'mentsa yek! Te van te phoukrenn ap mande pash kolende, kay kamenn man te marell, palle mou dikell o Devel mare dadendar koy pal, oun mou dell t'men i phagi. Yob djinell, kay krom kek čilačo koova.”

1. Familjakro liil 12:19

Kote vas o Debleskro dourho pral o Amasay, ko pralstouno pral i triyanda zorele kourepangre, oun yob penas: David, tire ham mer! ap toute rikrah men, tou o Isayeskro čavo! Lačepen oun barht mou vell pral toute, oun ninna pral kolende, kay pash toute hi! Tiro Devel hi ap tiri rig! Koy las len o David pash peste, oun kras lendar pralstoune pral peskre lourdende.

Esra 4:17

Koy bičras lenge o ray pral o them Babilonia kava liil oun moukas lenge te penell: Touke Rehoum, ko pralstuneske oun touke Shimshay, ko činepaskro, oun t'menge vavarenge halauterenge an o foro Samaria oun kol vavarenge halauterenge ap i vavar rig o panyestar Eufrat: Barht t'mentsa!

Louka 10:5

Te venn t'mer an i kheer, rakrenn o Debleskri barht pral kol menshende vin!

Louka 24:36

Har yon kova penan, his ap yek kopo o Yezous mashkral lende tardo, oun penas ap lende: “O Debleskri barht t'menge!”

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Johanni 20:19

Har rati his ap kava dives, – kova his i kourko – his o Yezouseskre mala khetne. I daryatar kol biboldendar his lengro voudar klidedo. Ap yek kopo vas o Yezous dren, oun djas mashkral lende, oun penas ap lende: “O Debleskri barht t'mentsa!”

Johanni 20:21

Pale penas o Yezous ap lende: “O Debleskri barht t'mentsa! Har miro dad man bičras, yaake bičrau me t'men.”

Johanni 20:26

Oun pal orhta divessa his o Yezouseskre mala pale khetne an ko kheer. Oun o voudar his klidedo. Kava kopo his o Thomas pash lende. Ap yek kopo his o Yezous mashkral lende tardo, oun penas: “O Debleskri barht t'mentsa!”

Čačepangre 19:20

Kote penas ko phouro morsh: “O Debleskro lačepen touha! Ab mantsa! T'mer nay ačenn pash mande. Ap kay platsa kate, ma ač pral i rat!”

Čačepangre 6:23

Kote penas o baro Devel ap leste: “Mank mende hi lauter mishto. Ma dare, tou hounte meress gar.”

1. Samuel 25:6

oun penenn: Te djivess i shoukar djipen! I barht vell touha oun tire menshentsa, oun ap lauter, hoy touke hi!