1. Mose 42:36 - O Debleskro Lab 2024 (Sinte-Manouche)

³⁶ Oun lengro dad, o Yakob, penas ap lende: “T'mer čoran mire čaven mandar: O Yosef hi bouder gar koy. Oun o Simeon hi bouder gar koy. Oun o Benyamines kamenn t'mer ninna mandar te lell. Kova lauter vell ap mande!”

O Debleskro Drom 2021 (Sinte)

³⁶ Un lengro dad, o Jakob, penas ap lende: “Tumer tchoran mire tchawen mandar: O Josef hi buder gar koi. Un o Simeon hi buder gar koi. Un o Benjamines kamenn tumer ninna mandar te lell. Kowa lauter well ap mande!”

1. Mose 42:36 Iomraidhean Croise

1. Mose 42:37

Koy penas o Ruben ap peskro dadeste: “Te dau me les toute gar pale, nay mareh tou mire douy čaven. Tou deh les an mire vasta oun me dau les toute pale.”

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 44:12

Oun yob rodas an o gono hakenestar: pash o phoureder bis pash o terneder. Oun yob hatsas o khoro an o Benyamineskro gono.

1. Mose 45:28

Oun o Israel penas: “Kanna hi doha! Me patsau t'men! O Yosef, miro čavo, djivella. Me djau kote, te dikap les glan miro merepen.”

1. Mose 47:12

Ninna maro das yob peskro dadeste oun peskre phralende lengre familyentsa, yaake boud, kay hakenes doha his.

Hiob 7:7

Ma biste, miro Devel, te hi miro djipen har i dourho. Mire yaka dikenn bouder kek barht.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Sikepaskro 7:8

Feteder hi, te pandess tiro mouy, har te kress tiro mouy pre o rakepaske. Feteder hi, te dess gar sik pre, har te vess pre-phourdo.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jesaja 38:10

Me penom mange: Mashkral an miro djipen hounte merap oun pash i moulende hounte djap. I bersha, hoy mange hounte vans, van mange randedo!

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Mateo 14:31

O Yezous rikras leske o vast koy, tapras les, oun penas ap leste: “Tiro patsepen hi tikno. Hoske patsal man gar?”

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

1. Samuel 27:1

O David penas peske an peskro dji: “Vell ko dives, kay perau o Sauleske an i vasta, oun yob dell man moulo! O feteder mange hi, te djap yaake sik har djala an o them Filistia. Palle moukell o Saul mandar tele, oun rodell man bouder gar an o tselo them Israel. Oun yob nay krell man či bouder!”