1. Mose 42:30 - O Debleskro Lab 2024 (Sinte-Manouche)

³⁰ “Ko rom, kay hi o ray pral o them Egiptia, rakras zoreles mentsa oun kras, har te vams phoukepangre, kay kamenn te dikenn, har zorelo leskro them hi.

O Debleskro Drom 2021 (Sinte)

³⁰ “Ko rom, kai hi o rai pral o them Egiptia, rakras soreles mentsa un kras, har te wams phukepangre, kai kamenn te dikenn, har sorelo leskro them hi.

1. Mose 42:30 Iomraidhean Croise

1. Mose 42:16

Bičrenn yekes t'mendar, te lell lo t'maro terneder phrales. T'mer vavar ačenn an o stilepen. Yaake dikau me, kay t'mare laba čačo hi. Pash o djipen o baro rayestar! Te rhorhran man, djinau, kay han phoukepangre.”

1. Mose 42:29

Oun yon van an o them Kanaan pash pengro dadeste Yakob oun penan leske halauter, hoy lenge djas oun penan:

1. Mose 42:7

O Yosef dikas peskre phralen oun prindjras len. Oun yob kras, har te prindjrell lo len gar, oun rakras zoreles ap lende oun penas: “Kay venn t'mer?” Penan yon: “Dran o them Kanaan, te ginas djob.”

1. Mose 42:9

Oun kova, hoy yob lendar souni das, vas an leskro shero. Oun yob penas ap lende: “T'mer han phoukepangre oun kamenn te dikenn, har zorelo o them hi. Dran kova han t'mer kay.”