1. Mose 42:24 - O Debleskro Lab 2024 (Sinte-Manouche)

²⁴ Har o Yosef kanna lengre laba shounas, rissras pes lo lendar krik oun rovas. Koy pal vas yob pale, te rakrell lo lentsa. Oun yob moukas o Simeones te pandell glan lengre yaka.

O Debleskro Drom 2021 (Sinte)

²⁴ Har o Josef kanna lengre laba shunas, rissras pes lo lendar krik un rowas. Koi pal was job pale, te rakrell lo lentsa. Un job mukas o Simeones te pandell glan lengre jaka.

1. Mose 42:24 Iomraidhean Croise

1. Mose 34:25

O triinto dives, har len douka his, lan douy čave o Yakobestar, o Simeon oun o Levi, i Dinakre phrala, hakeno peskro rharo oun van an ko foro, har kek yak das. Oun yon maran i tsele morshen pengre rharentsa,

1. Mose 42:23

Yon djinan gar, kay o Yosef lengro rakepen hayvas. Yob rakras lentsa an o egiptikro rakepen. Oun i vavar penas lenge, hoy yob penas.

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 43:23

“Hi mishto”, penas ko rom. “Ma darenn! T'maro Devel, kay ninna t'maro dadeskro Devel hi, čivas kol love an t'mare gone. Me lom t'mare love, hoy dan man.” Oun yob anas o Simeones pash lende.

1. Mose 43:30

Har o Yosef peskro phrales dikas, his leske ropaske. Oun yob djas sik an peskri isema oun rovas koy.

1. Mose 45:1

Koy rikras pes nay o Yosef bouder gar pale glan lauterende, kay troul leste tardo hi. Oun yob bičras i tsele Egiptaryen vin. Oun kek his pashel, har yob penas, kay yob lengro phraal hi.

1. Mose 45:2

Oun yob rovas zoreles. Oun i Egiptarya shounan kova, ninna i menshe an o kheer o baro rayestar.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

1. Korintarja 12:26

Te doukell yek kotar, palle doukenn kol tsele vavar ninna. Oun te vell yek kotar sharedo, hi kol tsele kotya barhtele.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.