1. Mose 42:18 - O Debleskro Lab 2024 (Sinte-Manouche)

¹⁸ Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

O Debleskro Drom 2021 (Sinte)

¹⁸ Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

1. Mose 42:18 Iomraidhean Croise

1. Mose 20:11

O Abraham penas: “Me patsom, kay an kava foro kek menshe hi, kay patsenn o djiyestar ap o Debleste oun krenn, hoy o Devel kamell. Darom, kay yon man moulo denna, te lenn le miri romyat.

1. Mose 39:9

Kek hi bareder an kava kheer har me. Oun miro ray rikras či peske har tout kokres. Tou hal leskri romni. Har nay anau havi bari doosh ap mande, te krap kova, hoy o Devel gar kamella?”

1. Mose 42:19

Te penenn t'mer o čačepen, palle moukenn yek t'mendar kate an o stilepen. T'mer vavar djan khere oun lenn t'menge doha djob khere t'mare menshenge oun firhenge!

Nehemia 5:15

Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

Nehemia 5:9

Oun me penom: “Gar mishto hi kova, hoy t'mer kay krenna! T'mer hounte djivans glan o baro Debleskre yaka, oun krans, hoy mishto hi, te nay praasens men kol vavar menshe gar, kay troul mende djivenn oun maro merepen kamenn.

Hiob 1:1

An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

2. Mose 1:17

Kol douy rhačede rhalya daran o Deblestar oun shounan gar ap o baro rayeste, hoy yob penas. Yon moukan ninna kol morsh čaven te djivell.

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

3. Mose 25:43

Tou vess gar zoryah ray pral lende! Rike tiro Debles glan tire yaka!

Louka 18:2

“An i foro djivas i čačepaskro ray. Kova poučas gar pal o Debleste, oun daras kek menshestar.

Louka 18:4

I rah tsiro kras ko čačepaskro ray lake či. Pal i tsiro penas lo ap peste: Čačepah, pal o Debleste poučau gar, oun vitar gar darau i menshendar.