1. Mose 42:15 - O Debleskro Lab 2024 (Sinte-Manouche)

¹⁵ Ap kova kamau te dikell, kay penenn t'mer o čačepen: Te vell t'maro terneder phraal kate! Pash o djipen o baro rayestar dau man sovel: Te vell lo gar, venn t'mer gar bouder krik.

O Debleskro Drom 2021 (Sinte)

¹⁵ Ap kowa kamau te dikell, kai penenn tumer o tchatchepen: Te well tumaro terneder phraal kate! Pash o djipen o baro rajestar dau man sowel: Te well lo gar, wenn tumer gar buder krik.

1. Mose 42:15 Iomraidhean Croise

1. Mose 42:12

“Na-a”, penas o Yosef. “T'mer van te dikenn, har zorelo maro them hi.”

1. Mose 42:14

Penas o Yosef ap lende: “Kova hi yaake, har me penom: T'mer han phoukepangre.

1. Mose 42:16

Bičrenn yekes t'mendar, te lell lo t'maro terneder phrales. T'mer vavar ačenn an o stilepen. Yaake dikau me, kay t'mare laba čačo hi. Pash o djipen o baro rayestar! Te rhorhran man, djinau, kay han phoukepangre.”

1. Mose 42:20

Anenn t'maro terneder phrales pash mande! Koy pre dikau me, kay t'mare laba čačo hi. Oun t'mer merenna gar.” Oun yon penan: “Mishto, kova krah mer.”

1. Mose 42:30

“Ko rom, kay hi o ray pral o them Egiptia, rakras zoreles mentsa oun kras, har te vams phoukepangre, kay kamenn te dikenn, har zorelo leskro them hi.

1. Mose 42:34

Oun anenn t'maro terneder phrales pash mande! Ap kova dikau, kay rhorhenn gar, oun kay han kek phoukepangre. Yaake dau t'men t'maro phrales pale. Oun t'mer nay parenn an kava them.”

1. Mose 42:7

O Yosef dikas peskre phralen oun prindjras len. Oun yob kras, har te prindjrell lo len gar, oun rakras zoreles ap lende oun penas: “Kay venn t'mer?” Penan yon: “Dran o them Kanaan, te ginas djob.”

1. Mose 43:3

Koy penas o Youda ap leste: “Ko rom penas zoreles ap mende: Te hi t'maro phraal gar pash t'mende, dikenn t'mer man bouder gar.

1. Mose 43:5

Te bičreh les gar mentsa, djah mer gar. O rom penas ap mende: T'mer dikenn man gar pale, te hi t'maro phraal gar pash t'mende.”

Jeremia 5:2

Ninna te denn yon pen sovel pash o djido Debleste, hi kova rhorhepen.

Jeremia 5:7

Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Jakobo 5:12

Mire phrala, ma denn t'men sovel, gar ap o bolepen, vitar gar ap i phoub oun vitar gar ap vavar koova. Te penenn t'mer: “Ava,” yaake hounte vell kova ninna ava. Oun te penenn t'mer: “Na-a,” yaake hounte vell kova ninna na-a, te lenn kek phagi o Deblestar.

1. Samuel 1:26

Oun yoy penas ap o Eli: “Ah, miro ray, yaake har čačo hi, kay tou djiveh: Me hom koy djouvel, kay kate tardo his oun o baro Deblestar mangas.

1. Samuel 17:55

O Saul dikas, har djas o David an o kourepen ko Filistareha, oun poučas peskro pralstouno lourdestar, o Abner: “Koneskro čavo hi kova?” Oun o Abner penas: “Čačepah, miro ray, me djinau gar!”

1. Samuel 20:3

O David penas: “Tiro dad hayvas, te hom tiro maal. Doleske penas lo peske: O Yonatan hounte djinell kova gar, te doukrell kova les gar.” Oun o David penas doureder: “Me dau man sovel glan o djido Debleste oun glan toute: Mashkral mande oun o merepen hi gar boudeder har yek heryakro stakepen!”