1. Mose 41:8 - O Debleskro Lab 2024 (Sinte-Manouche)

⁸ Taysarlakro daras yob. Oun yob moukas i tsele dourkepangre oun goseve an o them Egiptia te kharell. Oun o baro ray penas lenge, hoy yob souni das. Oun kek his koy, kay penell nashte, hoy koy souni leske penella.

O Debleskro Drom 2021 (Sinte)

⁸ Taissarlakro daras job. Un job mukas i tsele durkepangre un gosewe an o them Egiptia te kharell. Un o baro rai penas lenge, hoi job suni das. Un kek his koi, kai penell nashte, hoi koi suni leske penella.

1. Mose 41:8 Iomraidhean Croise

1. Mose 40:6

Taysarlakro vas o Yosef pash lende oun dikas, kay djal lenge gar mishto.

1. Mose 40:8

Penan yon ap leste: “Mer dam souni. Oun kek hi koy, kay penell nashte, hoy mare sounya menge penenna.” Penas o Yosef ap lende: “O Devel penell nay, hoy kol sounya penenna. Penenn t'mare sounya mange!”

1. Mose 41:15

Oun o baro ray penas ap o Yosefeste: “Me dom souni. Oun kek hi koy, kay penell nay, hoy miri souni penella. Toutar penan yon mange: Te shouneh i souni, peneh nay, hoy i souni penella.”

1. Mose 41:24

Oun kol sane halme rhan kol efta pesse halme. Oun me penom kova, hoy dom souni, kol dourkepangre. Oun kek his koy, kay penell nashte mange, hoy kol sounya mange penenna.”

1. Mose 41:7

Oun kol halme, kay gar pesso his, rhan kol efta vavar pre, kay pesso oun pherdo djob his. Oun o baro ray djangras pre oun hayvas, kay yob souni das.

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

2. Mose 7:11

Kote moukas o Farao i goseve morshen oun i dourkepangren gole te dell. Oun kol egiptikre dourkepangre kran emligo koova an pengri zoor.

2. Mose 7:22

Oun i dourkepangre an o them Egiptia kran ninna yaake an pengri zoor. Oun o Faraeskro dji ačas pale pandlo, oun yob shounas gar ap lende. Yaake vas, hoy o baro Devel penas.

2. Mose 8:7

Oun i djambe hounte djan penge toutar oun dran tiro kheer, ninna dran i khera kol pralstunendar oun tire tsele menshendar. Kokres an o Nil ačenn le pral.”

2. Mose 9:11

Kava kopo nay van i dourkepangre gar glan o Mose, te krenn le yaake har yob. Ko djoungelo nasslepen his ninna ap lende har ap hako Egiptari.

Jesaja 19:3

Palle djinenn i Egiptarya gar bouder, hoy te krenn le. Oun me krau, te djal lenge gar, hoy kamenn le te krell. Oun palle djan le pash pengre rhorhene deblen, te poučenn le lendar, oun pash kolende, kay i moulen poučenn, oun pash i dourkepangren oun dravepangren.

Jesaja 29:14

Doleske krau kal menshentsa pale savo koova, hoy le gar hayvenn, oun hoy vin dikell, har te vals kova gar mandar, yaake te ačell lenge o rakepen krik. Lengre goseve menshe hi palle bouder gar gosevo. Oun kolla, kay boud hayvan, hayvenn bouder či.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

Daniel 1:20

Oun an hako koova, hoy o baro ray lendar poučas, his yon deesh kope gosveder oun hayvan boudeder har i tsele dourkepangre oun dravepangre an i tsele themma, kay o Neboukadnezar baro ray his.

Daniel 4:18

oun koleskre patria shoukar his, oun koles yaake boud roukengre hidjras, te his hakeneske doha te rhal, tel koleste i veshengre firhe čiddo his oun i čirkle ap leskre kashta beshdo his,

Daniel 4:19

kova hal tou, miro baro ray. Tou hal yaake baro oun zorelo. Oun tiri zoor hi baro oun djal bis pash o bolepen, oun tou val o ray pral i tseli phoub.

Daniel 4:5

Oun o palstouno, koon glan mande vas, his o Daniel, kova kanna Beltsazar kharell pal o lab miro deblestar. Oun an leste hi o dourho o bolepangre deblendar. Oun ap leste penom:

Daniel 4:6

“Beltsazar, tou pralstouno pral i tsele siklende, djinau, te hi o dourho i bolepangre deblendar an toute, oun touke hi či khatedo. Yaake pen mange, hoy miri souni kamell te penell!”

Daniel 4:7

“Kava hi koy souni, hoy dikom, har homs ap miro čiben čiddo: I baro rouk his tardo mashkral ap kay phoub.

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

3. Mose 19:31

Ma djan pash i dourkepangre oun pash kolende, kay i moulen poučenn! Ma rodenn saven pre, te krenn t'men gar pale-čiddo ap lende. Me, o baro Devel, hom t'maro Devel.

3. Mose 20:6

Miri rholi vell ninna ap koleste, kay djal pash i dourkepangre oun pash kolende, kay i moulen poučenn, te poučell lo lendar, hoy te krell lo. Me moukau les bouder gar mank peskre menshende te djivell.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Mateo 2:1

Ap ko tsiro, har vas o Yezous an o foro Betlehem an o them Youdea boldo, his o Herodes o baro ray pral o them. Koy van goseve morsha dran o them, kay o kham pre djala, oun djan an o foro Yerusalem. Yon poučan i menshendar an o foro Yerusalem:

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Bičepangre 7:22

Oun goseve Egiptarya sikran leste lauter, hoy yon djinan, yaake te vas lo gosevo an lauter, hoy yob rakras oun kras.

1. Korintarja 1:19

O Devel penella an peskro lab: Pash mande molell o menshengro gosvepen či. Oun kolla, kay penenn, te djinenn le boud, kolende sikrau, kay kova či moldo hi, hoy yon djinenna.

1. Samuel 6:2

Oun i Filistarya dan pengre rashayen oun dourkepangren gole, oun poučan lendar: “Hoy kras mer ko morhtoneha o baro Deblestar? Har bičras les pale kote kay lo vas?”