1. Mose 41:41 - O Debleskro Lab 2024 (Sinte-Manouche)

⁴¹ Oun o baro ray penas doureder ap o Yosefeste: “Me dau o tselo them Egiptia an tire vasta.”

O Debleskro Drom 2021 (Sinte)

⁴¹ Un o baro rai penas dureder ap o Josefeste: “Me dau o tselo them Egiptia an tire wasta.”

1. Mose 41:41 Iomraidhean Croise

1. Mose 39:22

Oun o pralstouno pral o stilepen das i tsele stilden an o Yosefeskro vast. Oun les his penepaske pral i tseli boudi.

1. Mose 39:5

Ap ko tsiro, har o Egiptari Potifar das peskro kheer oun halauter, hoy leskro his, an o Yosefeskre vasta, čivas o baro Devel peskri zoor oun peskri barht ap i menshende an o Potifareskro kheer. Yaake rah har o Yosef koy his, his o baro Debleskri zoor oun peskri barht ap halauter, hoy les his an o kheer oun ap o them.

1. Mose 41:44

Oun o baro ray penas ap o Yosefeste: “Ninna te hom me o baro ray pral o them Egiptia, nay hadell kek mensho an o tselo them Egiptia peskro vast oun peskre pire pre, te kameh tou kova gar.”

1. Mose 42:6

Oun o Yosef his o ray pral o them Egiptia oun bikras djob ap kol menshende an ko them. Har leskre phrala van, vitsran pen le tele glan leste o mouyeha ap i phoub.

1. Mose 45:8

Yaake han gar t'mer, kay anan man kate. O Devel anas man kay. Oun yob kras man dad pral o baro rayeste an o them Egiptia oun ray pral koleskro tselo kheer oun pral o tselo them Egiptia.

Ester 10:3

yaake te vas o biboldo Mordekay o douyto pal o baro rayeste Ahasveros. Oun yob his baro pash i biboldende oun lačes an-diklo pash i tsele biboldende. Yob rodas o lačepen lenge oun rakras, hoy leskre menshenge ko feteder his.

Debleskri gili 105:21

Oun kras, te vas o Yosef o pralstouno pral leskro kheer, oun čivas lauter, hoy les his, an leskre vasta.

Gosewe laba 17:2

I boudepaskro, kay djinell, hoy te krell, kova vell o ray pral o čaveste ko kherestar, kay ladj ap peste anas. Ko boudepaskro lell palle ninna kolestar, hoy i čave lenna pral pengro dadeskro merepen.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Sikepaskro 4:14

Kova hi čačo, ninna te his ko terno morsh i pandlo boudepaskro oun vas vin ginlo, te vell lo baro ray, ninna te vas lo boldo an i čorveli familya an ko them, pral leste yob o ray vell.

Daniel 2:48

Oun o baro ray kras o Danieles baro, oun das les boud kouč koova. Oun yob čivas les pral o tselo them Babilonia, oun das les penepaske koy pral oun kras, te vell lo o pralstouno pral i tsele sikle morshende an o them Babilonia.

Daniel 6:3

Oun pral kolende čivas lo triin rayen. Yek kolendar his o Daniel. Kolenge hounte penenn i pralstoune, kitse love yon an pengro them dre-lan oun vi-dan, oun hoy le lauter kran, yaake te hounte dikas gar o baro ray ap savo koova.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.