1. Mose 41:40 - O Debleskro Lab 2024 (Sinte-Manouche)

⁴⁰ Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

O Debleskro Drom 2021 (Sinte)

⁴⁰ Tu wess rai pral miro baro kheer. I tsele menshe an miro them hunte krenn kowa, hoi tu peneh. Me kokres hom bareder har tu un atchau baro rai pral o them Egiptia.”

1. Mose 41:40 Iomraidhean Croise

1. Mose 39:9

Kek hi bareder an kava kheer har me. Oun miro ray rikras či peske har tout kokres. Tou hal leskri romni. Har nay anau havi bari doosh ap mande, te krap kova, hoy o Devel gar kamella?”

1. Mose 44:18

Koy vas o Youda glan oun penas ap leste: “Mangau tout, miro ray, mouk man touha te rakrell! Ab gar rhoyedo ap mande, miro ray! Tou hal yaake baro har o baro ray pral o them Egiptia.

1. Mose 45:26

Oun yon penan ap leste: “O Yosef djivella. Oun yob hi o ray pral o tselo them Egiptia.” Koy ačas leskro dji tardo. Oun yob patsas len gar.

Ester 10:3

yaake te vas o biboldo Mordekay o douyto pal o baro rayeste Ahasveros. Oun yob his baro pash i biboldende oun lačes an-diklo pash i tsele biboldende. Yob rodas o lačepen lenge oun rakras, hoy leskre menshenge ko feteder his.

Ester 3:1

Pal i tsiro hadas o baro ray Ahasveros i morshes pral i tsele pralstunende, kay pash leste hi. Ko morsh kharas Haman. Leskro dad his o Hammedata i menshendar Agag.

Hiob 31:27

Miro dji rissras pes gar čorrhanes pash lende, te vitsroms me lenge i vasteskri čoum koy!

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Daniel 5:29

Har o Daniel kol laba rakras, penas o Belsazar, te rivenn le les an lole rayengre koola, oun čivenn leske i sonakaskri verkli troul leskri meen. Oun yob hadas les, te vell lo o triinto pralstouno an o rayeskro them.

Daniel 6:3

Oun pral kolende čivas lo triin rayen. Yek kolendar his o Daniel. Kolenge hounte penenn i pralstoune, kitse love yon an pengro them dre-lan oun vi-dan, oun hoy le lauter kran, yaake te hounte dikas gar o baro ray ap savo koova.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.

1. Samuel 10:1

Oun o Samuel las o khoro, kay o kouč djet dren hi, oun čoras les pral o Sauleskro shero. Oun yob čoumras les oun penas: “Ko djet sikrella, te čivas tout o baro Devel pral peskre menshende, te vess lengro ray.