1. Mose 41:30 - O Debleskro Lab 2024 (Sinte-Manouche)

³⁰ Oun pal kova venna efta bersha, kay bokenn le. Ko boud lačo rhapen, hoy len his, vella bistedo an o them Egiptia. Yaake baro vell koy bok an o them.

O Debleskro Drom 2021 (Sinte)

³⁰ Un pal kowa wenna efta bersha, kai bokenn le. Ko bud latcho chapen, hoi len his, wella bistedo an o them Egiptia. Jaake baro well koi bok an o them.

1. Mose 41:30 Iomraidhean Croise

1. Mose 41:21

Oun har yon len pre rhan, dikan yon vin, har te rhans le len gar. Yon ačan djoungeles, har yon his. Koy djangrom pre.

1. Mose 41:27

Oun kol efta sane oun djoungele groumya, kay djan pal lende dran o pani vin, hi efta bersha. Yaake hi ninna kol efta halme, hoy hi sano oun trouk, efta bersha, kay bokenn le.

1. Mose 41:31

Lauter bistrenn ko tsiro, kay boud rhapen koy his. Yaake baro vell i bok koy pal.

1. Mose 41:51

Oun o Yosef das o phoureder čaves ko lab Manasse oun penas: O Devel kras te bistrap miri tseli bibarht oun mire tsele menshen.

1. Mose 41:54

Oun palle van kol bersha, kay bokenn le, yaake har o Yosef penas. Oun an i tsele themma bokan le. Kokres an o them Egiptia his doha rhapaske.

1. Mose 41:56

Oun i bok vas bareder. An o tselo them his i menshen gar doha te rhal. Koy kras o Yosef i voudya pre an kol tsele khera, kay djob dren hi. Oun bikras o djob ap i Egiptarya.

1. Mose 47:13

Oun i bok vas baro an o them Egiptia oun Kanaan, yaake kay bouder či rhapaske his an i tsele themma. Oun i menshe oun i firhe merans i bokatar.

2. Samuel 24:13

Yaake vas o Gad pash o Davideste oun penas leske kova, oun poučas lestar: “Kameh tou, te vell triin bersh i bari bok an tiro them? Kameh, te nashess triin čon kolendar krik, kay kamenn tout te marell oun lenn tout palla? Kameh, te vell triin divessa i baro nasslepen an tiro them? Kanna mouk kova an tiro shero trouyel te djal! Palle pen mange, hoy me ap koleste penap, kay bičras man!”

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

2. Rajengro liil 8:1

O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

Debleskri gili 105:16

Oun yob moukas i bari bok an o them te vell, te das bouder kek maro.

Gosewe laba 31:7

Save nay piyenna, te nay bistrenn le pengri bibarht oun kova, hoy lengre djia doukrell.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Louka 4:25

Čačepah, me penau t'menge: Ap ko tsiro, kay o Debleskro rakepaskro Eliya djivas, djivan boud djouvya, kolengre morsha moulo hi, an o them Israel. Ap ko tsiro das triin-te-paash bersha kek brishin. Oun i bari bok vas an o tselo them.

Jakobo 5:17

O Eliya his i mensho har mer. Yob mangas o Deblestar, te dell kek brishin. Oun koy das kek brishin ap i phoub triin bersha oun shob čon.