1. Mose 4:8 - O Debleskro Lab 2024 (Sinte-Manouche)

⁸ O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

O Debleskro Drom 2021 (Sinte)

⁸ O Kain penas ap peskro phraleste Abel: “Am! Djas win ap o them!” Un har jon win ap o them his, hadas pes o Kain ap peskro phraleste Abel un das les mulo.

1. Mose 4:8 Iomraidhean Croise

1. Mose 4:25

Oun o Adam vas pale khetne peskri romyah. Oun yoy anas i čaves ap i phoub, oun das les ko lab Set, oun penas: “O Devel das man i vavar čaves miro čaveske Abel, koles o Kayn moulo das.”

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

2. Familjakro liil 21:4

Oun har o Yoram o baro ray vas pal peskro dadeste, oun les boud penepaske his, kote maras lo peskre tsele phralen o rhareha, oun ninna i pralstunendar pral Israel.

Nehemia 6:2

Kote bičras o Sanballat oun o Geshem morshen pash mande, oun moukan mange te penell: “Ab pash mende an o gab Kefirim an o telstouno them pash o foro Ono!” Len his glan, te krenn le mange čilačepen.

Hiob 11:15

Palle nay hidjreh tou tiro shero pre, oun hounte ladjess gar. Palle hal zoreles tardo oun dareh či.

Debleskri gili 139:19

Mo Devel, kamoms te dess tou i čilačen moulo! Kamoms, te djan penge kolla, kolen doosh ap o rat i vavarendar hi!

Debleskri gili 36:3

An peskre yaka hi kova yaake shoukar, hoy lo krella, te hayvell lo gar, kay kova i doosh hi, kay hounte rikrals pes lo latar pale.

Debleskri gili 55:21

O phoukepaskro djal ap peskro maleste pre oun rikrell gar peskri sovel, hoy das lo leste glan o Debleste.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Micha 7:6

An ko tsiro dikell o čavo tele ap peskro dadeste, i čay shounell gar ap peskri date, oun o čaveskri romni krell gar, hoy lakro romeskri day penell. Oun i djoungleder menshe hi kolla, kay djivenn khetne touha an yek kheer.

4. Mose 35:20

Te das yek i vavares dran rholi i ladini oder vitsras čorrhanes čomone ap leste, te meras kova,

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Louka 11:51

O Abel vas maredo glan i tsele vavar menshende. Pal leste maran le vavar menshen pale te pale. Pal lauterende vavarende vas o Zakari maredo. Kova vas maredo pash i sasterni rhačepaskri an o Debleskro baro kheer. Čačepah, me penau t'menge: I tseli bibarht vell ap kal menshende, kay kanna djivenna.

Louka 22:48

O Yezous penas ap leste: “Youdas, kameh tou ap o Menshengro Čaveste phoukrell oun deh les i čoum?”

Hebrearja 11:4

An o phouro tsiro patsas o Abel ap o Debleste, oun maras leske i firho. Har dikas o Devel, hoy o Abel leske anas, dikas lo lačes ap kova. Yaake vas o Abel an o čačepen tardo glan leste. Kova, hoy leskro phraal, o Kayn, o Debleske anas, kova his gar yaake lačo glan o Debleskre yaka har kova, hoy o Abel leske anas. Ninna te meras o Abel, sikrell men leskro djipen gomme kava dives leskro patsepen.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.