1. Mose 4:1 - O Debleskro Lab 2024 (Sinte-Manouche)

¹ O Adam vas khetne peskri romyah Eva. Oun yoy vas an vavar koova oun anas i čaves ap i phoub oun das les o lab Kayn. Oun yoy penas: “Me lom i morsh čavo. O baro Devel das les mande.”

O Debleskro Drom 2021 (Sinte)

¹ O Adam was khetne peskri romjah Eva. Un joi was an wawar koowa un anas i tchawes ap i phub un das les o lab Kain. Un joi penas: “Me lom i mursh tchawo. O baro Dewel das les mande.”

1. Mose 4:1 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 3:24

Oun o Devel tradas len vin. Glan i baar Eden, ap koy rig, kay o kham pre djal, čivas o Devel bolepangre i rhareha, hoy rhačella oun djal yek rigyatar ap i vavar, te denn le garda, te djal kek pash ko rouk, hoy della o djipen.

1. Mose 4:2

Oun pal kova anas yoy i douyto čaves ap i phoub. Koles das li o lab Abel. O Abel vas i bakrengro. O Kayn vas i harho oun boudras ap i harhetikri phoub.

1. Mose 4:25

Oun o Adam vas pale khetne peskri romyah. Oun yoy anas i čaves ap i phoub, oun das les ko lab Set, oun penas: “O Devel das man i vavar čaves miro čaveske Abel, koles o Kayn moulo das.”

1. Mose 5:29

Oun yob das les ko lab Noah oun penas: “Mari boudi hi pharo ap i harhetikri phoub, kay čivas o baro Devel i bibarht pre. O Noah dell mare djia nevi zoor.”

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

4. Mose 31:17

Kanna, denn moulo kol tsele morsh čaven, oun kol tsele djouvyen, kolen i rom his.

1. Johanni 3:12

Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.