1. Mose 39:9 - O Debleskro Lab 2024 (Sinte-Manouche)

⁹ Kek hi bareder an kava kheer har me. Oun miro ray rikras či peske har tout kokres. Tou hal leskri romni. Har nay anau havi bari doosh ap mande, te krap kova, hoy o Devel gar kamella?”

O Debleskro Drom 2021 (Sinte)

⁹ Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

1. Mose 39:9 Iomraidhean Croise

1. Mose 13:13

Kol menshe an Sodom his čilačo oun djivan an baro čilačepen glan o baro Debleste.

1. Mose 20:3

An i rati vas o Devel an i souni pash o Abimelek oun penas ap leste: “Tou hounte meress. Koy djouvel, kay tou lal, hi romedino.”

1. Mose 20:6

Koy penas o Devel ap leste an i souni: “Me djinau, kay djinal kova gar. Me rikrom tout pale, te kress kek čilačepen glan mire yaka, oun moukom gar, te tapress lat an.

1. Mose 20:9

Oun o Abimelek kharas o Abrahames, te vell lo pash leste oun penas: “Hoy kral tou mentsa? Oun hoy krom me tout, kay tou anal bari doosh ap mande oun ap miro tselo them! Tou kral čomone, hoy hounte krals tou gar!

1. Mose 24:2

Koy penas o Abraham ap peskro pralstouno boudepaskro, kay das garda ap halauter, hoy o Abrahames his: “De tiro vast koy pre,

1. Mose 39:10

Yek dives pal o vavar vas yoy kol labentsa. Oun yob shounas gar ap late oun čivas pes gar pash late. Vitar gar kamas yob pash late te vell.

1. Mose 41:40

Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

1. Mose 42:18

Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

2. Samuel 11:27

Har his kol divessa trouyel, kay li rovas, bičras o David yekes pash late, oun moukas lat an peskro kheer te anell. Oun yoy vas leskri romni, oun anas leske i čavo ap i phoub. Glan o baro Debleskre yaka his kova gar mishto, hoy o David kras.

2. Samuel 12:13

Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

Nehemia 5:15

Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

Nehemia 6:11

Me penom: “I morsh, har me hom, nashell gar krik. Patseh, te djoms an o Debleskro kheer, te ačap djido? Me djau gar dren!”

Hiob 31:23

Sau koova nay kroms me gar, me trashau o Deblestar, oun hounte daroms, te vell leskri rholi pral mande!

Debleskri gili 51:4

Thob miri doosh mandar tele, oun le ko tselo čilačepen mandar krik, te vap pale djoudjo!

2. Mose 20:14

Romeha, ma dja i vavar djouvyah! Romniya, ma dja i vavar morsheha!

Gosewe laba 6:29

Yaake djal koleske, kay pash i romyate i vavarestar djal. Hakeno, kay lat an-taprell, lell peskri phagi.

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Jeremia 28:16

Doleske penell o baro Devel: Tiro rakepah anal i menshen o Debleskro dromestar krik. Doleske lau tout krik i phoubyatar. Kava bersh mereh tou.”

Jeremia 50:7

Halauter, kay len hatsan, rhan len pre. Oun kolla, kay his rhoyedo ap lende, penan: Mer krah či, hoy gar čačo hi! Yon anan doosh ap pende, har moukan le o baro Debles, kay das len lauter, hoy len hounte vell djipaske, oun ap koleste lengre phoure patsan.

3. Mose 20:10

Te sovell yek i romyah i vavarestar, hounte venn kol douy maredo.

3. Mose 6:2

Pen ap o Aron oun leskre morsh čavende: Yaake hounte krenn t'mer o firheha, koleskro tselo mass mange rhačedo vell: Ko mass ačell ap i rhačepaskri koy tseli rat, bis te vell o nevo dives. Oun koy yag ap i rhačepaskri hounte rhačell i tseli rat oun djal gar vin.

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Louka 12:48

Koon kova krella, hoy gar mishto hi, oun djinell kova gar, lell gar boud dava. Koon boud o Deblestar las, kolestar kamell yob, te krell lo peskri boudi mishto. Oun kones boud zoor oun gosvepen dino vas, kolestar kamell o Devel, te boudrell lo gomme feteder.”

1. Korintarja 4:2

Oun i boudepaskro hounte krell peskri boudi mishto.

Tito 2:10

te čorenn le či lestar! I boudepangre hounte krenn pengri boudi mishto oun čačo. Yaake sikrenn le an hako koova, har mishto o Debleskro drom hi, hoy lende siklo vas. Oun yaake sharenn le o Debles, kay las men vin dran o čilačepen.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

1. Johanni 3:9

Kolla, kay o Debleskre čave hi, djivenn gar an o čilačepen. O Debleskre čaven hi o Debleskro djipen an lende. Oun yon nay djivenn gar an o čilačepen.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.