1. Mose 39:3 - O Debleskro Lab 2024 (Sinte-Manouche)

³ Har leskro ray Potifar dikas, kay o baro Devel pash o Yosefeste his oun les barht das an lauter, hoy yob peskre vastentsa kras, his yob lačes ap leste.

O Debleskro Drom 2021 (Sinte)

³ Har leskro rai Potifar dikas, kai o baro Dewel pash o Josefeste his un les bacht das an lauter, hoi job peskre wastentsa kras, his job latches ap leste.

1. Mose 39:3 Iomraidhean Croise

1. Mose 21:20

Oun o Devel his kol čaveha. Oun yob vas baro oun djivas an o moulo tato them, oun vas i morsh, kay hayvas mishto karye te dell i bogeha.

1. Mose 21:22

An ko tsiro vas o Abimelek peskro pralstouno lourdeha Pikol pash o Abrahameste oun penas ap leste: “O Devel hi touha an halauter, hoy tou kreh.

1. Mose 21:23

Kanna de tout sovel ap o Debleste, te rhorhess man gar, vitar gar mire čaven oun kolengre čaven. Me homs touke lačo. Ab tou ninna lačo ap mande oun ap ko them, kay tou djiveh.”

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 26:28

Penan le: “Mer dikah oun hayvah, kay o baro Devel touha hi. Doleske penam menge: Mer hounte kras touha vin, oun das men sovel, te krah bouder kek čingepen yek o vavareha.

1. Mose 30:27

Koy penas o Laban ap leste: “Ab mange lačo oun ač kay! Hayvau, kay o baro Devel peskri zoor oun peskri barht ap mande čivella yaake rah, har tou pash mande hal.

1. Mose 30:30

Har vom pash toute, his tout gar boud firhe. Kanna hi tout boud. O baro Devel čivas peskri zoor oun peskri barht ap tiro koova – ap halauter, hoy lom an miro vast. Kanna hounte boudrap ninna mange oun miri familyake.”

1. Mose 39:2

Oun o baro Devel his pash o Yosefeste. Lauter, hoy yob kras, his mishto. Oun yob ačas an o kheer peskro egiptikro rayestar.

1. Mose 39:21

Har yob kote an o stilepen his, his o baro Devel pash leste, oun his kamlo ap leste oun kras, kay hi o pralstouno pral o stilepen lačes ap leste.

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

2. Rajengro liil 18:7

O baro Devel his leha, oun halauter hoy lo peske glan las, djas leske mishto. Oun yob peras tele o baro rayestar pral o them Assour, oun moukas koles bouder gar peskro ray te vell.

1. Familjakro liil 22:13

Te rikreh tout ap kol laba, hoy o baro Devel o Moseske penas, te djivell o Israel koy pal, oun kreh pal o Debleskro čačepen, palle djal touke tiri boudi mishto. Ab zorelo! Oun ma traash! Ma dare či! Oun ma traash kekestar!

1. Familjakro liil 9:20

Glan kava tsiro his o Pinhas, koleskro dad o Elazar his, o pralstouno pral lende, – o baro Devel mou vell leha!

2. Familjakro liil 1:1

Oun o Davideskro čavo, o Salomo, vas i zorelo ray. Oun o baro Devel, kay leskro Devel his, his leha, oun kras les baro oun bareder.

2. Familjakro liil 26:5

Oun yob rodas o Debles, yaake rah har o Zakarie djivas. Kova sikras leste, har nay djivell lo o Debleha. Oun yaake rah, har yob o baro Debles rodas, moukas leske o Devel halauter mishto te djal.

Nehemia 2:20

Kote penom me ap lende: “O Devel an o bolepen, yob krell, te djal menge kava mishto. Oun mer, leskre boudepangre, kram men ap i boudi, te čivas o foro pale pre. T'men hi kek čačepen ap ko foro, vitar kek penepaske. Oun t'mare laba hi gar mank kolende, kay venn gar bistedo.”

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

1. Korintarja 16:2

Hako kourko čivell hakeno t'mendar yaake boud love ap i rig, har leske djala. Yaake hounte čivenn kol love gar khetne ap ko dives, kay vau pash t'mende.

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.

1. Samuel 18:14

Oun leske djas halauter mishto, oun o baro Devel his ap leskri rig.

1. Samuel 18:28

Oun o Saul dikas oun hayvas te hi o baro Devel o Davideha, oun ninna, te kamell leskri čay Mikal les o tselo djiyeha.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.