1. Mose 39:11 - O Debleskro Lab 2024 (Sinte-Manouche)

¹¹ Ap yek dives, har yob an o kheer vas, te krell lo peskri boudi, his kek vavar boudepaskro koy.

O Debleskro Drom 2021 (Sinte)

¹¹ Ap jek diwes, har job an o kheer was, te krell lo peskri budi, his kek wawar budepaskro koi.

1. Mose 39:11 Iomraidhean Croise

1. Mose 39:10

Yek dives pal o vavar vas yoy kol labentsa. Oun yob shounas gar ap late oun čivas pes gar pash late. Vitar gar kamas yob pash late te vell.

1. Mose 39:12

Koy tapras yoy les ap leskro ripen oun penas: “Čip tout pash mande!” Koy moukas yob peskro ripen an lakro vast oun nashas dran o kheer vin.

Hiob 24:15

Kova, kay kamell pash o vavareskri romyate te djal, lourell ap i rat. Yob penell peske: An i rat nay dikell man kek yak. Oun čivell i diklo glan peskro mouy.

Gosewe laba 9:17

“Čoredo pani hi goudlo! Oun maro, hoy rhah khatedo, hi o lačeder!”

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Efesarja 5:12

Kova, hoy yon čorrhanes krenna, hi yaake djoungelo, te hounte ladjell kova pes, kay kolestar rakrella.

Efesarja 5:3

T'mer han o Debleskre menshe. Doleske krenn kek vi-ladjedo oun djoungelo koova! Nashenn vitar gar pal i love! Hi gar mishto, te vell pral savo koova mank t'mende rakedo!