1. Mose 38:23 - O Debleskro Lab 2024 (Sinte-Manouche)

²³ Koy penas o Youda: “Yoy nay rikrell kova, hoy me lat dom. Te rodah mer lat doureder, rakrenn i menshe pral mande. Mer kram, hoy nashte kram. Me bičrom lake koy bouzni, oun tou hatsal lat gar.”

O Debleskro Drom 2021 (Sinte)

²³ Koi penas o Juda: “Joi nai rikrell kowa, hoi me lat dom. Te rodah mer lat dureder, rakrenn i menshe pral mande. Mer kram, hoi nashte kram. Me bitchrom lake koi busni, un tu hatsal lat gar.”

1. Mose 38:23 Iomraidhean Croise

1. Mose 38:22

Oun yob djas pale pale pash o Youda oun penas: “Hatsau lat gar. Ninna i menshe kote penan: Kek loubni his kay.”

1. Mose 38:24

Pal triin čon vas o Youdaeske penlo: “I Tamar, tiro čaveskri romni loubras pes trouyel, oun yoy hi an vavar koova.” Koy penas o Youda: “Anenn lat vin, te vell li pre rhačedo.”

2. Samuel 12:9

Hoske rikral tout gar ap miro lab? Hoske kral, hoy gar mishto hi glan mire yaka? O Uriya, ko Hetares, dal o rhareha moulo. Leskri romyat lal tou, te vell yoy tiri romni. Oun tou čival les kote an o kourepen, kay i Ammonarya les moulo dan.

Gosewe laba 6:33

Dava oun ladj perenn ap leste, oun ko praasepen ap leste djal gar bouder krik.

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

Efesarja 5:12

Kova, hoy yon čorrhanes krenna, hi yaake djoungelo, te hounte ladjell kova pes, kay kolestar rakrella.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”