1. Mose 37:4 - O Debleskro Lab 2024 (Sinte-Manouche)

⁴ Har leskre phrala dikan, kay lengro dad les boudeder kamas har len, van le čilačo ap pengro phraleste oun rakran nay bouder gar lačes leha.

O Debleskro Drom 2021 (Sinte)

⁴ Har leskre phrala dikan, kai lengro dad les budeder kamas har len, wan le tchilatcho ap pengro phraleste un rakran nai buder gar latches leha.

1. Mose 37:4 Iomraidhean Croise

1. Mose 27:41

Kol lače laba, hoy o Isaak pral o Yakobeste rakras, kran, te vas o Esau rhoyedo ap o Yakobeste. Doleske penas o Esau ap peste: “Ko tsiro vella sik, kay rovenn le pral miro dadeskro merepen. Te hi lo moulo, dau miro phrales moulo.”

1. Mose 37:11

Oun leskre phrala dikan čilače yakentsa ap leste. Leskro dad rikras kol laba an peskro dji.

1. Mose 37:5

Oun o Yosef das souni, oun penas kova peskre phralenge. Koy van yon čilačeder ap leste.

1. Mose 4:5

Ap o Kayn dikas yob gar lačes, vitar gar ap kova, hoy yob rhačras o Debleske. Koy las o Kayn i bari rholi oun dikas rhoyedo tele ap i phoub.

1. Mose 49:23

I kourepangre his rhoyedo ap leste. Ninna te dan le ap leste karye oun lan les palla,

Debleskri gili 38:19

Doleske penau touke, havo čilačo koova me krom, oun miri doosh khaytell man.

Debleskri gili 69:4

Me dom gole, bis te man kek zoor bouder an mande his, oun miri meen doukas. Mire yaka van khino, yaake rah dikau pal miro Debleste.

Jeremia 12:6

Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

Markus 3:25

Oun an yek kheer nay vell gar douyen penepaske. Kova djal gar.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

1. Johanni 2:11

Koon peskro phraleske čilačepen krella, kova djivell har an i kali rat, oun djal i drom, kay dikell lo nay gar. Yob djinell gar, kay yob djala. An i rat hi lo, har te vals lo korelo.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

1. Johanni 3:12

Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.

1. Johanni 4:20

Te penell yek: “Me kamau o Debles,” oun krell peskro phraleske čilačepen, kova hi i rhorheno. Yob kamell gar peskro phrales, koles yob nay dikella. Har nay kamell lo o Debles, koles yob nay gar dikella?

1. Samuel 17:28

Leskro phoureder phraal, o Eliab, shounas, har yob kol morshentsa rakras. Oun an leste rhačras i bari rholi pre pral o Davideste, oun penas: “Hoske val tou kay? Oun kones moukal tou ap kol bakre yak te dell an o moulo them? Me prindjrau tout mishto, tou tikno pre-phourdo oun či-moldo! Tou val kay, te dikess touke o marepen an.”