1. Mose 33:11 - O Debleskro Lab 2024 (Sinte-Manouche)

¹¹ Le kova, hoy touke bičrom. O Devel das man halauter. Oun man hi doha.” Oun yob moukas gar tele te mangell lo les, bis te las o Esau kova.

O Debleskro Drom 2021 (Sinte)

¹¹ Le kowa, hoi tuke bitchrom. O Dewel das man halauter. Un man hi doha.” Un job mukas gar tele te mangell lo les, bis te las o Esau kowa.

1. Mose 33:11 Iomraidhean Croise

1. Mose 30:43

Yaake vas o Yakob hako dives bravleder. Oun les his boud firhe oun boudepangre: djouvya oun morsha. Ninna boud khamele oun bourike his les.

1. Mose 32:21

Bistrenn gar te penenn leske kova: Dik, tiro boudepaskro Yakob vell pal mende.” O Yakob penas peske: “Kamau, te bistrell o Esau peskri rholi ap mande. Te dikell lo kova, hoy me les dau, nashte vell, kay lell man lo lačes pre.”

1. Mose 33:10

“Na-a”, penas o Yakob. “Mangau tout: Te hal mange lačo, le mandar kova, hoy me tout dau dran mire vasta. Me dikom an tiro mouy, har te dikap an o Debleskro mouy, yaake kamlo dikal ap mande.

1. Mose 33:12

Oun o Esau penas: “Djas mer doureder! Me djau glan toute.”

1. Mose 33:9

“Man hi doha, miro phraal”, penas o Esau. “Rike kova, hoy tiro hi.”

2. Rajengro liil 2:17

Yon rakran i zoryah ap leste dren, bis te yob palla das oun penas: “Mouk len koy te djal!” Oun yon bičran kol paash-sheel morshen koy. Oun kolla rodan triin divessa pal o Eliya, oun hatsan les gar.

2. Rajengro liil 5:23

O Naaman penas: “Mangau tout, le shob-deesh kilogramme!” Oun rakras ap leste dren, oun čivas shob-deesh kilogramme roup an douy gone, las douy rayle ripya oun das kova lauter peskre boudepangrende, te hidjrenn le kova glan leste koy.

Louka 14:23

Oun ko ray penas ap koleste: Dja vin ap i dromma glan o foro oun pash i bourra ap o them, kay menshe beshdo hi, oun pen lenge, te venn le pash mande. Rake lenge an o dji, te venn yaake boud menshe har djala an miro kheer!

1. Korintarja 3:21

Doleske hounte sharell pes kek mensho, koon peskro sikepaskro hi. Lauter hi t'maro:

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

Josua 15:19

Oun yoy penas: “De man lačepen! I phoub, hoy tou man dal, kote kay o kham pralstounes hi, hi gar sapeno. De man ninna i them, kay panyengre hi!” Oun yob das lat pestar kol panya, hoy kharenna pralstouno pani oun telstouno pani.

Čačepangre 1:15

Oun yoy penas ap leste: “De man lačepen! I phoub, hoy tou man dal, kote kay o kham pralstounes hi, hi gar sapeno. De man ninna i them, kay panyengre hi!” Oun yob das lat pestar kol panya, hoy kharenna pralstouno pani oun telstouno pani.

1. Samuel 25:27

Yaake mangau tout, miro ray, le kava koova an, hoy me, tiri boudepaskretsa, touke anom, te vell lauter kol morshende doureder dino, kay pash toute hi.

1. Samuel 30:26

Oun har o David pale an o foro Siklag vas, bičras lo čomone dran ko randedo koova ap i phourende an o them Youda, kay leskre mala his. Oun moukas lenge te penell: “Dikenn, kava hi t'menge dran ko koova, hoy mer kolendar randam, kay o baro Debles gar kamenna.”