1. Mose 32:10 - O Debleskro Lab 2024 (Sinte-Manouche)

¹⁰ Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

O Debleskro Drom 2021 (Sinte)

¹⁰ Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

1. Mose 32:10 Iomraidhean Croise

1. Mose 18:27

Penas o Abraham: “Shoun, miro ray, me lom man khetne, te rakrap touha, kay me čik oun či moldo hom.

1. Mose 24:12

Oun yob penas: “Baro Devel, o Devel miro rayestar Abraham, de man kanna barht ap miro drom! Oun ab miro rayeske Abraham lačo!

1. Mose 24:27

oun penas: “Sharedo vell o baro Devel, o Devel miro rayestar Abraham. Yob rikras peskro lačepen oun čačepen gar pale miro rayestar. O baro Devel anas man ap o drom pash o kheer miro rayeskre menshendar.”

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 30:43

Yaake vas o Yakob hako dives bravleder. Oun les his boud firhe oun boudepangre: djouvya oun morsha. Ninna boud khamele oun bourike his les.

1. Mose 31:3

Oun o baro Devel penas ap o Yakobeste: “Dja khere an tiro dadeskro them pash tire menshende! Me hom pash toute.”

1. Mose 32:5

Ap lende penas yob: Penenn miro rayeske Esau: “Yaake penell tiro boudepaskro Yakob: Me homs o tselo tsiro pash o Laban oun vau kanna pale.

1. Mose 32:7

I morsha van pale pash o Yakobeste oun penan ap leste: “Mer hams pash tiro phraleste Esau. Yob hi ap o drom te vell lo pash toute. Star-sheel morsha hi pash leste.”

2. Samuel 17:24

Oun o David vas an o foro Mahanayim. O Absalom djas vergel o pani Yordan, oun kol tsele morsha dran Israel djan leha.

2. Samuel 7:18

djas o baro ray David an o Debleskro plarhteno kheer, čivas pes tele glan o baro Debleste oun penas: “Baro Devel, miro ray, koon hom me, oun hoy hi miro kheer, kay tou kral yaake boud mange?

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Hiob 8:7

Kova, hoy tout glan kova his, vell touke tiknes glan, te dikeh ko baro bravlepen, hoy dell tout o Devel an ko tsiro, hoy vella.

Debleskri gili 16:2

Me penom ap o baro Debleste: Tou hal miro ray. Hako lačo koova, hoy man hi, vell toutar.

Debleskri gili 18:35

Yob sikrell man, har mire vasta hounte kourenn pen, oun har miri moussi rikrell o sasterno bogo.

Debleskri gili 61:7

De o baro rayes i rah djipen, de les boud bersha, te djivell lo gomme i rah tsiro.

Debleskri gili 8:5

palle poučau mandar: Hoy hi o mensho? Hoske vell lo touke an o shero? Hi lo touke yaake kouč, te veh ap leskri rig?

Debleskri gili 84:7

Te djan le an o tato them, nashell kote pani lenge vin. Oun o brishin moukell lauter zenelo oun baro te vell.

Debleskri gili 85:10

Čačepah, yob hi ap kolengri rig, kay leha djivenna oun ap leste shounenna. Oun leskro raylepen ačell an maro them.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Louka 17:10

Yaake hi kova ninna t'mentsa. Te kran t'mer lauter, hoy o Devel t'menge penas, palle penenn: Mer ham tire boudepangre. Mer kram, hoy hounte kram.”

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

2. Korintarja 12:11

T'mer kran, te rakrom har i dinelo. Me hounte sharoms man gar. Na-a, t'mer hounte sharans man. Ninna te voms me či, voms me yaake boud moldo har kol bare rakepangre pash t'mende, kay penenn, te hi le bičedo o Yezous Kristestar.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.