1. Mose 31:3 - O Debleskro Lab 2024 (Sinte-Manouche)

³ Oun o baro Devel penas ap o Yakobeste: “Dja khere an tiro dadeskro them pash tire menshende! Me hom pash toute.”

O Debleskro Drom 2021 (Sinte)

³ Un o baro Dewel penas ap o Jakobeste: “Dja khere an tiro dadeskro them pash tire menshende! Me hom pash tute.”

1. Mose 31:3 Iomraidhean Croise

1. Mose 13:15

Ko tselo them, hoy dikeh, kova dau tout oun tire čaven, kay pal toute venna. Ko them hi t'maro hako tsiro.

1. Mose 21:22

An ko tsiro vas o Abimelek peskro pralstouno lourdeha Pikol pash o Abrahameste oun penas ap leste: “O Devel hi touha an halauter, hoy tou kreh.

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 28:4

Koy barht oun koy zoor, hoy o Devel čivas ap o Abrahameste, mou vell ap toute oun ap tire menshende! Tou leh kava them, kay tou kanna i vi-themari hal – ko them, hoy o Devel o Abrahameste das.”

1. Mose 30:25

Har i Rachel o Yosefes ap i phoub anas, penas o Yakob ap o Labaneste: “Mouk man te djal pash mire menshende an miro them!

1. Mose 31:13

Me hom o Devel, kay moukas pes toutar te dikell an o foro Betel, kay čival mange i bar pre, čoral djet koy pre oun dal tout sovel ap mande. Kanna ste pre, dja dran kava them! Oun dja khere an ko them tire menshendar!”

1. Mose 31:18

oun tradas peskre tsele firhen glan peste. Ninna las lo peskro tselo bravlepen, hoy yob kras peske khetne an o them Paddan-Aram, te djal lo pash peskro dadeste Isaak an o them Kanaan.

1. Mose 31:2

Oun o Yakob hayvas, kay o Laban bouder gar lačo ap leste his, har glan kava tsiro.

1. Mose 31:4

Oun o Yakob bičras yekes pash i Rachel oun i Lea, te penell yob len: “Avenn vin pash mande ap o them, kay mire firhe hi!”

1. Mose 32:10

Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

1. Mose 32:5

Ap lende penas yob: Penenn miro rayeske Esau: “Yaake penell tiro boudepaskro Yakob: Me homs o tselo tsiro pash o Laban oun vau kanna pale.

1. Mose 32:9

Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

1. Mose 35:3

Avenn, djas an o foro Betel. Kote krau i rhačepaskri o Debleske, kay shounas man ap ko dives, kay an i bibarht homs. Ko Devel his pash mande ap miro drom bis kanna.”

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 90:15

I rah tsiro hams tele rikedo. De men kanna yaake boud barhtele bersha, har hams an i bibarht.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!