1. Mose 30:32 - O Debleskro Lab 2024 (Sinte-Manouche)

³² Kay dives djau mank tire tsele firhende, te čivap hake tikne bakre ap i rig, kay kalo hi oun kolen kalo bal hi mank pengro parno bal. Ninna čivau ap i rig hake tikne bouzya, kolen parno bal hi mank pengro kalo bal. Yon hi mire. Kolentsa playsreh tou man.

O Debleskro Drom 2021 (Sinte)

³² Kai diwes djau mank tire tsele viechende, te tchiwap hake tikne bakre ap i rig, kai kalo hi un kolen kalo bal hi mank pengro parno bal. Ninna tchiwau ap i rig hake tikne busja, kolen parno bal hi mank pengro kalo bal. Jon hi mire. Kolentsa plaissreh tu man.

1. Mose 30:32 Iomraidhean Croise

1. Mose 30:31

Koy penas o Laban: “Hoy te playsrap touke?” “Tou hounte dess man či”, penas o Yakob. “Te kreh kova, hoy touke penau, kamau te dap doureder yak ap tire firhende:

1. Mose 30:33

Hake bouzya, kay hi len kek parne balla, hi tire, ninna hake parne bakre. Te rhorhau tout, dikeh tou kova sik an ko tsiro, kay vella. Te hatseh tou mank mire firhende bouzya, kay hi len kek parne balla, ninna parne bakre, kolla hi, har te čoroms len toutar.”

1. Mose 30:35

Ko dives čivas o Laban ap i rig: hake bouzya, kay his len ninna parne balla, oun hake kale bakre. Oun yob das len peskre čavende an o vast, te denn yon yak ap lende.

1. Mose 31:10

Har ko tsiro vas, kay van i firhe bipandlo, dikom an i souni i morsh bouzya, kay djan ap i firhende. Len his kotya vavar ballentsa har ko vavar bal. Kol kotya his lengsto oun sano, ninna boud oun tikne, ninna bare kotya.

1. Mose 31:8

Te penas o Laban: Tou leh kol firhe, hoy hi len tikne kotya vavar ballentsa har ko vavar bal, palle his kol tsele ternen, kay bolde van, tikne kotya vavar ballentsa. Oun te penas yob: Me playsrau tout kol firhentsa, hoy hi len lengste sane kotya vavar balentsa, palle his i tsele ternen, kay bolde van, lengste sane kotya.