1. Mose 30:2 - O Debleskro Lab 2024 (Sinte-Manouche)

² Koy las o Yakob i bari rholi ap i Rachel oun penas: “Hom me o Devel, te nay dap tout čave!”

O Debleskro Drom 2021 (Sinte)

² Koi las o Jakob i bari choli ap i Rachel un penas: “Hom me o Dewel, te nai dap tut tchawe!”

1. Mose 30:2 Iomraidhean Croise

1. Mose 16:2

Oun i Saray penas ap o Abrameste: “Tou dikeh, o baro Devel das man kek čave. Le miri boudepaskretsa, oun dja lah khetne! Yaake nay vell man latar i čavo.” Oun o Abram shounas ap peskri romyate.

1. Mose 25:21

Yoy nay las kek čave. Oun o Isaak mangas o baro Deblestar peskri romyake. Oun o baro Devel shounas ap o Isaak. Oun i Rebekka, leskri romni, vas an vavar koova.

1. Mose 29:31

Har o baro Devel dikas, kay o Yakob i Lea gar kamas, kras yob, kay i Lea anas nay čaven ap i phoub. I Rachel nay las kek čaven.

1. Mose 31:36

Kanna vas o Yakob rhoyedo oun čingras ap o Labaneste oun penas ap leste: “Havo čilačo koova krom me? Hoy hi miri doosh, kay leh man palla?

1. Mose 50:19

O Yosef penas ap lende: “Ma darenn! Hom me o Devel?

2. Rajengro liil 5:7

Oun har o baro ray pral Israel ko liil draveras, tserdas yob i koola pestar tele oun penas: “Hom me o Devel, kay nay marau oun krau djido? O baro ray pral Syria bičrell kava morshes pash mande, te krap les sasto oun lap ko nasslepen ap leskro mass lestar krik. T'mer dikenn, har rodell yob čingepen mantsa!”

Debleskri gili 113:9

Kolat, kay kek čave nay las, hadell lo, te vell li i barhteli day. Sharedo vell o baro Devel!

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

2. Mose 32:19

Har vas o Mose pash i menshende, oun dikas ko terno gouroum, oun har i menshe khelan, vas an leste i bari rholi. Yob vitsras kol barra dran peskre vasta oun phagas len an kotya tella pash i berga.

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

Louka 1:42

oun das bares gole: “Sharedi veh tou mashkral i tsele djouvyende, oun sharedo vell o ternepen an toute!

Efesarja 4:26

Te venn t'mer an i rholi, palle denn garda, te krenn kek čilačo koova! Moukenn o kham gar tele te djal pral t'mari rholi!

1. Samuel 1:5

I Hannat das yob douy kotya. Yob kamas lat o djiyestar, ninna te kras o baro Devel lah yaake, te nay las li kek čave.