1. Mose 3:8 - O Debleskro Lab 2024 (Sinte-Manouche)

⁸ I rati, har bouder gar tato his, shounan yon, kay djas o baro Devel, maro ray, trouyel an i baar. O rom oun peskri romni khatran pen o Deblestar, maro rayestar, mashkral kol rouka an i baar.

O Debleskro Drom 2021 (Sinte)

⁸ I rati, har buder gar tato his, shunan jon, kai djas o baro Dewel, maro rai, trujel an i baar. O rom un peskri romni khatran pen o Deblestar, maro rajestar, mashkral kol ruka an i baar.

1. Mose 3:8 Iomraidhean Croise

1. Mose 18:33

Oun o baro Devel heras pre, te rakrell lo o Abrahameha oun djas peske. Oun o Abraham djas pale khere.

1. Mose 3:10

Penas o rom: “Me shounom, kay hal an i baar. Oun man his traash. Me hom nango. Koy khatrom man.”

Hiob 22:14

Yob nashell kote, kay o bolepen oun i phoub khetne venn, oun pesse volke hi troul leste, yaake te nay dikell lo či.”

Hiob 31:33

An kek tsiro kamom miri doosh te khatrell, har vavar menshe krenn.

Hiob 38:1

Palle rakras o baro Devel o Hiobeha dran i baro phourdepen vin, oun penas ap leste:

Gosewe laba 15:3

I yaka o baro Deblestar dikenn lauter, kova, hoy i čilače krenna, oun kova, hoy i lače krenna.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

3. Mose 26:12

Me djivau pash t'mende, oun hom t'maro Devel, oun t'mer han mire menshe.

Jona 1:3

Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

Remarja 2:15

Yaake dikah, an lengre djia hi činlo, hoy o Devel kamella. Te kran le o čilačo koova, penell lenge lengro dji: Kova his gar mishto, hoy kral. Te kran le lačo koova, penell lenge lengro dji: Kova his mishto, hoy kral.

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

5. Mose 4:33

te shounan i menshe lengro Debles dran i yag ap lende te rakrell? Oun yon ačan djido, har t'menge djas?

5. Mose 5:25

Oun kanna, hoske meras mer? Kay bari yag rhal men pre. Te shounah mer o rakepen maro baro Deblestar gomme doureder, palle merah mer.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Debleskro tsiro 6:15

Oun i tsele menshe khatran pen: i raya pral i themma ap i phoub, i bare oun i bravele, i lourdengre pralstoune oun vavar pralstoune, ninna i boudepangre oun lengre raya. Yon khatran pen an i phoub, oun mashkral i bare barra,