1. Mose 3:5 - O Debleskro Lab 2024 (Sinte-Manouche)

⁵ O Devel djinell, kay djana t'menge i yaka pre ap ko dives, kay rhan ko roukestar. Oun t'mer venna har o Devel oun djinenna, hoy lačo oun čilačo hi.”

O Debleskro Drom 2021 (Sinte)

⁵ O Dewel djinell, kai djana tumenge i jaka pre ap ko diwes, kai chan ko rukestar. Un tumer wenna har o Dewel un djinenna, hoi latcho un tchilatcho hi.”

1. Mose 3:5 Iomraidhean Croise

1. Mose 2:17

Kokres ko rouk, kay della gosvepen, hoy hi lačo oun hoy hi čilačo, kolestar te rhas tou gar. Te rhah kolestar, mereh.”

1. Mose 2:9

Oun o baro Devel, maro ray, moukas boud rouka baro te vell dran i phoub. Kolla his shoukar. Oun lengre roukengre his lačo rhapaske. Mashkral i baar his ko rouk tardo, kay della djipen, ninna ko rouk, kay della gosvepen, hoy hi lačo oun hoy hi čilačo.

1. Mose 3:10

Penas o rom: “Me shounom, kay hal an i baar. Oun man his traash. Me hom nango. Koy khatrom man.”

1. Mose 3:22

Oun o baro Devel, maro ray, penas: “Dikenn, o mensho vas yaake har mer: Yob djinell, hoy hi lačo oun hoy hi čilačo. Kanna hi gar mishto, te rhal lo ninna ko roukestar, hoy della o djipen. Palle djivell yob hako tsireske.”

1. Mose 3:7

Koy djan lenge i yaka pre. Oun yon hayvan, kay yon nango hi. Oun yon pandan patria khetne i faygetikro roukestar oun kran penge ripya.

1. Rajengro liil 22:6

Kote moukas o ray pral o them Israel i dikepangren khetne te vell – kolla his yaake star-sheel morsha – oun poučas lendar: “Djap me an o kourepen, te kourap man o foreha Ramot an o them Gilead? Kamell o Devel kova? Kamell lo kova gar?” Kote penan yon: “Dja koy, oun o Devel dell o foro an tiro vast.”

2. Familjakro liil 32:15

Ma moukenn t'men o Hiskiyestar te rhorhell oun dinelo koova dren te rakrell! Patsenn leske kek lab! Kek devel dran kol tsele vavar themma nay las peskro them vin dran mire phourengre vasta oun dran miro vast. Palle nay lell vitar gar t'maro Devel t'men dran miro vast.”

Debleskri gili 12:4

Baro Devel, kre, te rikrenn le pengre mouya, kolla, kay rakrenn douy čipyentsa! Pande kolenge o mouy, kay yaake bares rakrenna,

2. Mose 20:7

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

2. Mose 5:2

Oun o Farao penas ap o Moseste oun ap o Aroneste: “Havo devel hi kova, kay me shounap ap leste? Hoske moukap me i Israelitarya te djal? Me prindjrau ko debles gar, oun me moukau gar i Israelitaryen te djal.”

Jesaja 14:14

Me djau doureder pre har i volke hi, oun krau man yaake bares har o Devel, ko pralstouno, hi.”

Ezekiel 13:22

T'mare rhorhene labentsa doukran i djia kolendar, kay an o čačepen djivenn, oun kolenge kamom kek daar te krell. Oun t'mer kran i vasta kolendar zorelo, kay čilačo koova krenn. Yaake kran t'mer, te djan le gar tele lengro čilačo dromestar, te ačenn le djido.

Ezekiel 28:12

Tou, mensho, gib i ropaskri gili pral o baro rayeste o forestar Tirus, oun pen leske: Kava penell o baro Devel, maro ray: Ap toute vas diklo, har yek hi, koleske lauter mishto djas. Baro gosvepen his tout oun hals yaake shoukar, te djals gar shoukeder.

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Ezekiel 28:9

Te dikeh tou palle kolenge an o mouy, kay tout moulo denn, peneh bouder gar: “Me hom o Devel!” Te hal an i vasta kolendar, kay marenn tout, hayveh, te hal i mensho oun kek devel.

Ezekiel 29:3

Pen leske: Kava penell o baro Devel, maro ray: Tou Farao, baro ray pral Egiptia, kanna sikrau les touke! Tou hal har i baro čilačo firho čiddo an tire bare lengste panya, oun peneh: “Ko baro lengsto pani hi miro. Mange krom les.”

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Daniel 6:7

Kote nashan kol raya oun kol pralstoune sik pash o baro rayeste oun penan ap leste: “Tou baro ray Darius, te djivess hako tsireske!

Mateo 6:23

Te dikeh ap o vavar koova, oun gar ap o Debleste, hi kova yaake, har te rhačell kek momeli an kava kheer. Te rhačell tiri momeli bouder gar, djiveh tou har an i kali rat.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

Debleskro tsiro 13:4

I menshe djinan, kova his o baro lolo sap, hoy das o firheste peskri zoor. Doleske sharan le o lolo sapes. Oun yon sharan ninna o firhes, oun penan: “Kek hi zorleder har o firho! Kek nay kourell pes leha oun vell zorleder!”