1. Mose 3:19 - O Debleskro Lab 2024 (Sinte-Manouche)

¹⁹ Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

O Debleskro Drom 2021 (Sinte)

¹⁹ Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 3:19 Iomraidhean Croise

1. Mose 18:27

Penas o Abraham: “Shoun, miro ray, me lom man khetne, te rakrap touha, kay me čik oun či moldo hom.

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

1. Mose 23:4

Oun yob penas ap lende: “Me hom mank t'mende i vi-themari. Man hi kek kotar them pash t'mende. Kanna mangau t'men: Denn man i kotar them pash t'mende, te paskrap miri mouli romyat.”

1. Mose 3:18

Soubyengre bourra venn baro ap tiri harhetikri phoub oun tou rhah ko zenlepen, hoy vell koy pre baro.

1. Mose 5:5

Leskro tselo djipen his 930 (enya-sheel-te-triyanda) bersha. Oun yob meras.

Hiob 1:21

Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

Hiob 10:9

Ma biste, te kral man dran čik. Kameh tou kanna, te vap pale čik?

Hiob 19:26

Ninna te hi miro mass yaake doukedo oun vom yaake sano, vell ko tsiro, kay dikau miro Debles.

Hiob 21:26

Khetne hi le tel i phoub, oun i kirme čakrenn len.

Hiob 34:15

palle merans halauter, hoy djivenn, ap yek kopo, oun o mensho vals pale čik.

Hiob 4:19

Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

Debleskri gili 103:14

Yob djinell, kay menshe ham; te ham dran čik kerdo, bistrell lo gar.

Debleskri gili 104:23

Palle djan i menshe vin ap pengri boudi oun boudrenna bis ap i rat.

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

Debleskri gili 127:2

Čičeske hi, te stenn t'mer sik taysarlakro pre, oun han beshdo bis an i rat, oun marenn t'men tele, te lenn t'maro rhapen. Kova dell o baro Devel peskre malen an o sopen.

Debleskri gili 22:15

Miri zoor hi vin čoredo har pani, mire tsele kokale rikrenn bouder gar khetne, Miro dji nashras peskri zoor, har i momeli hoy tele rhačras.

Debleskri gili 22:29

O baro Devel hi o ray pral i tseli phoub. Ava, o baro ray hi lo pral i tsele themma.

Debleskri gili 90:3

Tou penell menge: “Avenn pale, t'mer menshe!” Oun moukeh men pale čik te vell.

Gosewe laba 21:16

I mensho, kay kamell gar te djinell, hoy gosevo hi, djal ap o drom pash i moulende.

Sikepaskro 1:13

Miri tseli djiyeskri zoryah oun gosvepah rodom, te hayvap o tselo koova, hoy ap i phoub halauter kerdo vella. Havo pharepen das o Devel i menshende, te marenn le pen tele koleha.

Sikepaskro 1:3

Hoy lell o mensho peske dran peskri tseli phari boudi, hoy les hi ap kay phoub?

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Sikepaskro 3:20

Halauter hounte merell, hako djipen vas dran i čik, oun hako djipen vell pale čik.

Sikepaskro 5:15

Yob hounte djal, har lo vas. Kova hi i bari bibarht leske. Leskri phari boudyatar ačell leske či. Kova hi, har te marals lo pes tele čičeske.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

1. Korintarja 15:47

O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

2. Tessalonikarja 3:10

Ninna har pash t'mende hams, penam t'menge: Kova, kay kamell gar te boudrell, kova hounte rhal vitar gar.

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,