1. Mose 3:10 - O Debleskro Lab 2024 (Sinte-Manouche)

¹⁰ Penas o rom: “Me shounom, kay hal an i baar. Oun man his traash. Me hom nango. Koy khatrom man.”

O Debleskro Drom 2021 (Sinte)

¹⁰ Penas o rom: “Me shunom, kai hal an i baar. Un man his traash. Me hom nango. Koi khatrom man.”

1. Mose 3:10 Iomraidhean Croise

1. Mose 2:25

Oun yon douy, o rom oun peskri romni, his nango. Oun yon ladjan gar.

1. Mose 3:11

Oun o Devel poučas lestar: “Koon penas touke, te hal nango? Rhal tou ko roukestar, kay penom touke zoreles, te rhas gar lestar?”

1. Mose 3:7

Koy djan lenge i yaka pre. Oun yon hayvan, kay yon nango hi. Oun yon pandan patria khetne i faygetikro roukestar oun kran penge ripya.

Hiob 23:15

Doleske taprell man i traash glan leste. Te vell kova mange an o shero, darau zoreles lestar.

Hiob 31:33

An kek tsiro kamom miri doosh te khatrell, har vavar menshe krenn.

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

2. Mose 20:19

Oun yon penan ap o Moseste: “Rake tou mentsa, oun mer kamah kova te shounell oun krell, hoy tou peneh. Mer kamah gar, te rakrell o Devel mentsa, te meras gar.”

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

2. Mose 32:25

O Mose dikas, kay i Israelitarya bipandle van. O Aron moukas len te krell, hoy yon kaman. Yon kran pen sapaske kolenge, kay kamenn pen lentsa te kourell.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 47:3

Tou vell diklo, har djal nanges, oun ladj vell ap toute. Kanna dau me tout ko tselo čilačepen pale, hoy kral. Oun kek nay rikrell man pale.

Jesaja 57:11

Konestar trashal oun daral tou yaake, te rhorhral man oun bistral man, oun moukal man touke gar an o shero te vell? Hi kova gar yaake: I rah tsiro penom či koy pral. Oun doleske dareh bouder gar mandar.

5. Mose 5:25

Oun kanna, hoske meras mer? Kay bari yag rhal men pre. Te shounah mer o rakepen maro baro Deblestar gomme doureder, palle merah mer.

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”