1. Mose 29:2 - O Debleskro Lab 2024 (Sinte-Manouche)

² Oun yob dikas pes trouyel oun dikas i brounna ap o them. Ap triin platse pash i brounna his boud bakre oun bouzya čiddo. Dran koy brounna lan i bakrengre o pani, hoy denn le pengre firhen te piyell. Oun i baro bar his ap i brounna čiddo.

O Debleskro Drom 2021 (Sinte)

² Un job dikas pes trujel un dikas i brunna ap o them. Ap triin platse pash i brunna his bud bakre un busja tchiddo. Dran koi brunna lan i bakrengre o pani, hoi denn le pengre viechen te pijell. Un i baro bar his ap i brunna tchiddo.

1. Mose 29:2 Iomraidhean Croise

1. Mose 24:10

Pal kova las o boudepaskro deesh khamele oun kouč koova peskro rayestar peha, oun djas an o them Mesopotamia an o foro, kay o Nahor djivell.

1. Mose 24:11

Oun yob moukas i khamele tele te čivell pash o pani glan o foro. His an i rati, har i djouvya o pani lenna.

1. Mose 24:13

Dik, me hom kate pash kava pani tardo. Oun i ča dran ko foro venna, te lenn le pani.

1. Mose 29:3

Te his i tsele bakre khetne anlo, lenn le ko bar tele oun denn i bakren te piyell. Pal kova čivenn le ko bar pale ap i brounna.

Debleskri gili 23:2

Yob moukell man tele te čivell ap i phoub pherdo zenlepen, oun anell man pash lačo pani.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 4:6

Koy his o Yakobeskro pani. O Yezous vas khino ap ko dour drom oun beshas pes pash ko pani. His deesh-te-douyenge.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.

Čačepangre 5:11

Shounenn, har bashrenn le pash o pani, kote kay denn le pengre firhen te piyell. Kote sharenn le ko baro koova, hoy o baro Devel kras, ava, o baro koova, hoy kras lo ap peskre menshende Israel, har djan le dran lengre forya.