1. Mose 28:3 - O Debleskro Lab 2024 (Sinte-Manouche)

³ O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

O Debleskro Drom 2021 (Sinte)

³ O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 28:3 Iomraidhean Croise

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 17:20

Ninna, hoy tou mandar mangal tiro čaveske Ismael, kamau me te krell. Shoun, me čivau miri zoor oun miri barht ap leste. Oun me dau les boud čaven, te venn lestar boud boud menshe. Yob vell o dad deesh-te-douy rayendar oun lestar vell i bari natsyona.

1. Mose 24:60

Oun yon rakran i barht pral late vin oun penan: “Tou, mari pheen, toutar te venna boud zerya menshe: zerya kope deesh-zerya! Mou venn tire čave ray pral kolende, kay kourenn pen lentsa, te lenn le kolengre forya krik!”

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 27:33

Koy vas i bari daar ap o Isaakeste. Oun yob poučas: “Koon his kova, kay das i firho karye oun anas mange o rhapen, oun me rhom? Koy pal val tou. Me rakrom o Debleskri barht vin pral koleste, kay anas mange o rhapen. Oun koy barht ačell ap leste. Me nashte lau lat gar pale.”

1. Mose 35:11

Oun o Devel penas ap leste: “Me hom o zorelo Devel. Me dau tout boud čave. Yaake boud menshe venna toutar, kay lendar yek bari natsyona oun boud vavar natsyone venna. Ninna bare raya hi mank tire menshende.

1. Mose 41:52

Oun o douyto čaves das yob ko lab Efrayim oun penas: O Devel das man čaven an o them, kay djas mange gar mishto.

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 48:3

Oun o Yakob penas ap o Yosefeste: “O zorelo Devel moukas pes mandar te dikell an o foro Louz an o them Kanaan. Oun yob rakras lače laba ap mande oun penas:

1. Mose 48:4

Čačepah, me dau tout boud čaven, te venn toutar yaake boud menshe, te venn le boud natsyone. Oun kava them dau me tout oun tire menshende, te vell kova t'maro hako tsireske.”

1. Mose 49:25

Tiro dadeskro Devel vell ap tiri rig. Yob hi o zorelo Devel. Yob dell tout brishin dran o bolepen oun pani dran i phoub, ninna boud čave oun firhe.

1. Mose 9:1

Oun o Devel rakras lače laba pral o Noah oun pral leskre čavende vin oun penas: “Anenn boud čaven ap i phoub, te vell i phoub t'mendar pherdo!

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

2. Mose 1:7

Lengre čave lan yaake boud čave, kay vas o them pherdo lendar.

2. Mose 6:3

oun sikrom man o Abrahameste oun o Isaakeste oun o Yakobeste. Har vom pash lende, sikrom lende, kay hom o zorelo Devel. Miro lab baro Devel, moukom len gar te djinell.

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

Debleskro tsiro 21:22

Oun me dikom kek Debleskro kheer an ko foro, kay mangenn le o Debles an. O baro Devel kokres, kay hi o ray pral halauter, hi mashkral lende, yob oun o terno bakro.

Ruth 2:4

Pal i tsiro vas o Boas dran o foro Betlehem oun penas ap peskre boudepangre, kay o djob činenn: “O baro Devel vell t'mentsa!” Oun yon penan ap leste: “O baro Devel dell tout peskri barht!”