1. Mose 28:1 - O Debleskro Lab 2024 (Sinte-Manouche)

¹ Koy das o Isaak o Yakobes gole oun penas: “Dja o Debleha! Ma le i romni dran o them Kanaan!

O Debleskro Drom 2021 (Sinte)

¹ Koi das o Isaak o Jakobes gole un penas: “Dja o Debleha! Ma le i romni dran o them Kanaan!

1. Mose 28:1 Iomraidhean Croise

1. Mose 24:3

oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

1. Mose 24:37

Ap mande penas miro ray: De tout sovel, te less miro čaveske kek romni dran o them Kanaan.

1. Mose 24:4

Dja an miro dadeskro them, pash mire menshende! Kolengre čendar le miro čaveske Isaak i romyat!”

1. Mose 27:4

Oun kre mange i lačo rhapen, yaake har me kova kamau. Oun an les mange, te rhap oun te rakrap nay glan miro merepen o Debleskri barht pral toute vin.”

1. Mose 27:46

Oun i Rebekka penas ap o Isaakeste: “Kol douy rhalya, kol Hetarya, kolen o Esau romedineras, krenn mange miro djipen pharo. Te romedinerell ninna o Yakob i čat dran kava them, i Hetaretsa, vals feteder, te merap.”

1. Mose 28:6

O Esau dikas, kay o Isaak o Debleskri barht pral o Yakobeste vin rakras oun les an o them Paddan-Aram bičras, te lell yob peske kote i romni. Oun yob shounas, kay o Isaak o Yakobeske zoreles penas: Ma le i romni dran o them Kanaan.

1. Mose 34:16

Mer dah t'men mare čen oun lah menge t'mare čen, oun djivah pash t'mende, yaake kay vell yek natsyona dran mende oun t'mende.

1. Mose 34:9

Oun mer čivah men khetne. Denn men t'mare čen! Oun lenn t'menge mare čen!

1. Mose 38:2

Kote dikas o Youda yek čat i morshestar, kay kharas Shoua. Kova his i Kanaanitari. Oun o Youda romedineras lat oun vas lah khetne.

1. Mose 48:15

Oun yob rakras o Debleskri barht vin pral o Yosefeste oun penas: Ko Devel, kay djas miro papo Abraham oun miro dad Isaak ap leskro drom, ko Devel, kay das garda ap mande bis kava dives, har dell garda i bakrengro ap peskre bakre,

1. Mose 49:28

Kolla lauter hi i deesh-te-douy bare familye, hoy venna o Israeleskre deesh-te-douy čavendar. Kol labentsa penas lenge lengro dad, har lenge djala an ko tsiro, kay vella. Hakeneske his les i vavar lab.

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

Jeremia 29:6

Romedinerenn oun lenn čaven! Lenn romyen t'mare morsh čavenge, oun rodenn t'mare čenge morshen, te romedinerenn le, oun anenn čaven oun čen ap i phoub! Avenn boud oun gar tikneder!

5. Mose 33:1

Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

Josua 22:7

O Mose das o paash kol menshendar dran o kheer Manasse o them Bashan, te vell lo lengro. Ko vavar paash das o Yosua lengro them mank lengre phralende ap koy rig o panyestar Yordan, kay o kham tele djal. Oun har moukas o Yosua kolen te djal, kay ap i vavar rig o panyestar Yordan khere hi, oun o Debleskri barht pral lende vin rakras,